ԵՐԵՎԱՆ, 26 փետրվարի — Sputnik. Արարատի մարզպետ Գարիկ Սարգսյանը լրագրողների հետ հանդիպման ժամանակ անդրադառնալով մարզում կատարվելիք առաջիկա ներդրումային ծրագրերին, ասաց, որ ներդրողների զգալի մասն Արարատի մարզում ուզում է ներդրում կատարել հենց այնտեղ, որտեղից պարզ երևում է Արարատ սարը։
«Այս տարի արդեն իսկ ներդրումային երեք ծրագիր ենք ներկայացրել կառավարությանը։ Խոսքը մասնավոր ներդրումների մասին է, որոնք իրականացվելու են Արարատի շրջանում: Արարատ լեռան տեսարանը մագնիսի պես ձգում է մարդկանց և ներդրումներ բերում»,–ասաց մարզպետը։
Սարգսյանի խոսքով` երեք ներդրումներն էլ լինելու են սպասարկման ոլորտում. ներդրողներն ուզում են ժամանցի վայր, հյուրանոցային, ռեստորանային համալիրներ բացել, հնարավոր է` բնակելի թաղամասեր էլ կառուցեն։ Նա նշեց նաև, որ կառուցապատումների հետևանքով բնապահպանական որևէ խնդիր չի առաջանալու։
Բոլոլա, կոկորդիլոսի ձվեր ու կթու կովեր. 2019–ի ամենահայտնի զվարճալի արտահայտությունները
Արարատի մարզպետը խոսեց նաև մարզում հյուրանոցային համալիրի բացակայության խնդրի մասին` ասելով, որ հենց այդ պատճառով էլ զբոսաշրջիկները չեն գիշերում իրենց մոտ, այլ Երևան են վերադառնում։ Մարզը զբոսաշրջիկների համար ավելի գրավիչ դարձնելու համար մարզպետարանը քայլեր է իրականացնելու` սկսած ենթակառուցվածքներ ստեղծելուց մինչև Դվինի հնավայրի մոտ թանգարանի կառուցում։
Արարատում խանութ, լավ տուն, մեքենա ունեցող ավելի քան 1000 շահառու այլևս նպաստ չի ստանա
Սարգսյանը հայտնեց նաև, որ մարզում այս տարի ծիրանի փառատոն կանցկացնեն, քանի որ ծիրանն առաջինը հենց Արարատում է հասնում։
Հիշեցնենք, որ նախորդ տարի մարզում տեղի էր ունեցել «Իմ քայլը հանուն Արարատի մարզի» բիզնես ծրագրերի համաժողովը, որի նպատակը մարզին ներդրումներ բերելն էր։
Անօթևաններն օթևան կունենան. Արարատի մարզում «Երեխաների քաղաք» է կառուցվելու
