Արցախյան պատերազմի մասնակից, Մարտական Խաչ 1-ին Աստիճանի շքանշանի և Արիության մեդալի արժանացած լրագրող Սամվել Շահմուրադյանը 1990-91թթ. զբաղվել է նաև օրենսդրական աշխատանքով, եղել է Հայաստանի Գերագույն խորհրդի առաջին գումարման պատգամավոր։
Նրա որդու` Դավիթ Շահմուրադյանի փոխանցմամբ` արցախյան պատերազմի հերոսին մեծապես հարգում են նրա անունը կրող թիվ 85 դպրոցի աշակերտները, որի շրջանավարտն է եղել անվանի հրապարակագիրը։
Սամվել Շահմուրադյանը ղարաբաղյան շարժման և պատերազմի տարիներին մամուլում հրապարակել է շարժումը լուսաբանող հրապարակախոսական հոդվածներ և ակնարկներ, ՀՀ ԳԽ նստաշրջաններում պաշտպանել արցախահայության արդարացի պահանջը, դատապարտել Սումգայիթի ցեղասպանությունը, իշխանությունների բռնություններն Ադրբեջանի հայաբնակ շրջաններում։ Բազմիցս եղել է մարտական գործողությունների թեժ կետերում։ «Արծիվ-մահապարտների» կազմում մասնակցել է Մարտակերտի շրջանի բնակավայրերի ազատագրական մարտերին, որտեղ և զոհվել է։
Լեգենդար հերոսի որդու փոխանցմամբ` հոր կերպարը, նրա անցած ուղին իսկապես իմաստալից են և ուսանելի, առավել ևս որ հայրը պատգամում էր պահպանել Արցախը որպես մեր գոյատևման հիմնական երաշխիք։
Արցախի ՊԲ նոր հրամանատարին թույլատրվել է կոշտ միջոցներ ձեռնարկել. քաղտեխնոլոգ
