Քաղաքական վերլուծաբան Արամ Սաֆարյանն ամփոփել է Եվրասիական փորձագիտական ակումբի ընթացիկ տնտեսագիտական հետազոտությունները, որոնք երեք ճյուղով իրականացրել են պրոֆեսորներ Աշոտ Թավադյանի, Թաթուլ Մանասերյանի և դոցենտ Աշոտ Թևիկյանի հետազոտական խմբերը։
«Կարծում ենք, որ Հայաստանի տնտեսական աճը պայմանավորված է մի շարք ներքին և արտաքին գործոնների ճիշտ համադրմամբ և ազդեցությամբ։ Թավշյա հեղափոխության ատրիբուտիկայի արդյունքում ունենք տնտեսական զարգացում, բայց կան նաև ցուցանիշներ, որոնք ուղղակի խոսում են այն մասին, որ մեզ հաջողվում է օգտագործել ԵԱՏՄ շուկաներում մեզ համար շատ հարմարավետ դիրքը։ ԵԱՏՄ կազմում մեր հարաճուն զարգացումն ավելի առաջանցիկ է, քան մեր զարգացման ընդհանուր թվերը, երբ խոսում ենք միջին ցուցանիշների մասին»,– ասաց նա։
Տնտեսագիտության դոկտոր, պրոֆեսոր Աշոտ Թավադյանն իր հերթին կարծում է, որ Հայաստանի տնտեսական աճը բացատրվում է այն հանգամանքով, որ լինելով ԵԱՏՄ անդամ` մեր պատրաստի արտադրանքը հիմնականում գնում է նշված կառույցի առաջատար երկիր` Ռուսաստան։ Այս գործոնը մեծ դեր է ունեցել մրցունակության աստիճանի բարձրացման առումով։
Գալոյան. «Տնտեսական աճն ապահովում են ոլորտները, որոնցով չենք սիրում հպարտանալ»
«Տնտեսական աճի համատեսքտում կարևոր հանգամանք է նաև այն, որ վարչարարության ոլորտում և կոռուպցիայի դեմ պայքարում կան լուրջ արդյունքներ»,– նշեց տնտեսագետը։
Թավադյանը նաև տեսակետ հայտնեց, որ հետագա աճի նախադրյալ կարող է հանդիսանալ հեղափոխական և էվոլյուցիոն ճանապարհների արդյունավետ սինթեզումը։
