ԵՐԵՎԱՆ, 21 փետրվարի – Sputnik. Քիչ առաջ սարսափելի վթար է տեղի ունեցել Կոտայքի մարզում։ Երևանից Սևան տանող ճանապարհի մոտ 50-րդ կիլոմետրին Մերսեդես մակնիշի մեքենան դուրս է եկել ճանապարհից ու շրջվել։
Օգնության հասած մարդիկ ահազանգել են 1-03։ Դեպքի վայր են ժամանել նաև իրավապահներ։
Նրանք արձանագրել են, որ մոտ 40-ամյա տղամարդը մահացել է։ Նա, ամենայն հավանականությամբ, մեքենայի վարորդն է, որովհետև այս պահի դրությամբ այլ տուժածներ չկան։
Կրակոցներ Արարատի մարզում. 55-ամյա տղամարդը գլխի վնասվածքներ է ստացել
Sputnik Արմենիայի տեղեկություններով՝ մեքենան ընթացել է Սևանի ուղղությամբ։ Վարորդը չի կարողացել կառավարել այն Գագարին գյուղ չհասած։
Վթար Երևանում. բախումից հետո մեքենաներից մեկը վրաերթի է ենթարկել 2 կնոջ. տեսանյութ
Դեպքի վայրում աշխատող քննիչներն ու ոստիկանները պարզում են մահացածի ինքնությունը։
