ԵՐԵՎԱՆ, 17 փետրվարի — Sputnik. Յոկոհամայի դատարանն այսօր մահվան է դատապարտել Ճապոնիայի 30–ամյա բնակիչ Սատոսի Ուեմացուին, որը 2016 թվականին ջարդ էր արել սահմանափակ մտավոր կարողություններով մարդկանց կացարանում։
Հային մեղադրում են թմրանյութերի վաճառքի մեջ․ Դուբայում նրան մահապատիժ է սպառնում
Հանցագործի փաստաբանները պնդում էին, որ իրենց պաշտպանյալն անմեղսունակ է։ Մինչ դա հայտնում էին, որ ճապոնացին թմրանյութ է օգտագործել։ Ուեմացուն խոստովանում էր իր արարքն ու ներողություն խնդրում դրա համար։
Նա Սագամիհարա քաղաքում գտնվող հաստատության վրա հարձակվել էր 2016 թվական հուլիսին։ Այդ պահին այնտեղ 18–ից 75 տարեկան 150 մարդ է եղել։ Ուեմացուի հարձակման հետևանքով 19 մարդ մահացել են, ավելի քան 20–ը վնասվածքներ են ստացել։ Հարձակվողը հաստատության նախկին աշխատակից էր, նրան միջադեպից մի քանի ամիս առաջ էին գործից ազատել։
Մահապատիժ. կիրառել, թե՞ չկիրառել
Մարդասպանն ասել էր, որ սահմանափակ մտավոր կարողություններ ունեցողներին մարդու տեղ չեն դնում և ինքն ուզել է ազատել նրանց տառապանքներից։
Ճապոնիայում մահապատիժն իրականացվում է կախաղանի միջոցով։ Դատապարտվածն իմանում է մահապատժի իրականացման մասին նույն օրն առավոտյան։ Նա կարող է տարիներով սպասել դրան։
Էրդողանը հայտնել է մահապատիժը վերականգնելու պատրաստակամության մասին
