Բենիամին Պողոսյանը կարծում է, որ ամերիկացիները հաշվի առնելով Իրանից եկող սպառնալիքը՝ ակտիվորեն աշխատում են ու արդեն հասել են հաջողության այն առումով, որ կան գործընկերային հարաբերություններ Իսրայելի ու Սաուդյան Արաբիայի, Արաբական Միացյալ Էմիրությունների, Բահրեյնի միջև, որոնք հիմնականում ուղղված են Իրանի դեմ:
«Իսկ Իրանն իր կողմից ակտիվորեն օգտագործում է պաղեստինյան խնդիրն իրեն մահմեդական աշխարհի իրական շահերի պաշտպան ներկայացնելով: Բացի այդ, Իրանը պաղեստինցիների խնդիրն օգտագործում է որոշակիորեն փակելու իր և արաբների միջև առկա ճեղքվածքը: Իրանն ասում է՝ պաղեստինցիներն արաբ են, բայց քանի որ նրանք նաև մահմեդական են, հետևաբար պաշտպանում ենք նրանց և աջակցում»,- նշեց վերլուծաբանը:
«Իրականում». Իրան-ԱՄՆ հակամարտությունը շատ ավելի պայթյունավտանգ փուլ է մտել
Նրա գնահատմամբ՝ պաղեստինյան խնդրում Իրանի համար կարևորը մահմեդական համերաշխությունն է և արդարությունը, ուստի հակամարտության առկայությունը Իրանի իսլամական հանրապետությանը հնարավորություն է տալիս արաբական աշխարհում, առաջին հերթին շիա հատվածում, կիրառել իր կարևոր գործիքներից մեկը՝ պաղեստինցիներին սատարելու հանգամանքը:
Պաղեստինցիների «ցասման օրը». բախումների ժամանակ ավելի քան հազար մարդ է տուժել
Ըստ Պողոսյանի՝ Իրանն ունի համամահմեդական օրակարգ և նրա համար էթնիկ տարբերությունները խնդիր չեն, մինչդեռ ԱՄՆ-ն արաբական երկրներին, հատկապես սաուդներին ասում է, որ նրանց հիմնական հակառակորդը կամ խնդիրը Իրանն է:
