ԵՐԵՎԱՆ, 31 հունվարի - Sputnik. Հոր սպանության համար մեղադրվող Խաչատուրյան քույրերի պաշտպաններն ակնկալում են, որ գործը կկարճվի, քանի որ դատախազությունը քույրերի գործողությունները գնահատել է որպես անհրաժեշտ ինքնապաշտպանություն։ Կրտսեր քրոջ ՝ Մարիամի փաստաբան Ալեքսեյ Պարշինն իրենց սպասումների մասին ասել է ՌԻԱ Նովոստիին։
Ավելի վաղ հայտնի էր դարձել, որ Գլխավոր դատախազությունը քննչական մարմնին պարտավորեցրել է Խաչատուրյանի քույրերին առաջադրված սպանության մեղադրանքը վերաորակել ինքնապաշտպանության և լրացուցիչ հետաքննություն անցկացնել:
«Հուսով ենք, որ քննչական մարմինը քրեական հետապնդումը դադարեցնելու որոշում կկայացնի, քանի որ պաշտպանությունը բացառում է քրեական հետապնդումը։ Կարծում եմ ՝ դա տեղի կունենա առաջիկա մեկ-երկու ամսում», - ասել է Պարշինը։
Քննչական մարմինը խոստովանել է, որ հայրը ծաղրել է աղջիկներին, բայց նրանց գործողությունները որակել է որպես նախնական համաձայնությամբ սպանություն։
Մինչդեռ դատախազությունը համարել է, որ Խաչատուրյան քույրերի մտադրության և գործողությունների շարժառիթների վերաբերյալ եզրակացությունները չեն ապացուցվել։
Խաչատուրյան քույրերի եղբայրն ամեն ինչից տեղյակ է եղել ու լռել է. նոր մանրամասներ
Հիշեցնենք` Միխայիլ Խաչատուրյանի աղմկահարույց սպանությունը տեղի էր ունեցել Մոսկվայում 2018 թվականի հուլիսի 27-ին։ 57-ամյա տղամարդու դիակը` վզի և կրծքավանդակի բազմաթիվ կտրած–ծակած վերքերով, հայտնաբերվել էր տանը։ Երեք դուստրերը, որոնք մեղադրվում են հոր սպանության մեջ, խոստովանել են, որ իրենք են սպանել հորը։ Քննության ընթացքում պարզվել է, որ Խաչատուրյանը տարիներ շարունակ բռնության է ենթարկել դուստրերին։
