ԵՐԵՎԱՆ, 30 հունվարի — Sputnik. Ֆրանսիայի նախագահ Էմանուել Մակրոնն ասել է, որ Ֆրանսիայում ԼՂՀ–ի հետ ծրագրեր կարելի է անցկացնել, և դրա համար ձևեր կան։ Նա Ղարաբաղի մասին խոսել է Ֆրանսիայի հայկական կազմակերպությունների համակարգման կենտրոնում (CCAF) հանդիսավոր ճաշի ժամանակ։
Փաշինյանը Ելիսեյան պալատում է. Մակրոնը դիմավորում է նրան. տեսանյութ
Նշենք, որ վերջին մի քանի ամիսների ընթացքում ֆրանսիական դատարանները չեղարկում են Ֆրանսիայի և Լեռնային Ղարաբաղի քաղաքների միջև համագործակցության մասին հուշագրերը։ Մասնավորապես, վերջերս դատարանը նման մի հուշագիր չեղարկեց ֆրանսիական Առնուվիլ քաղաքի և արցախյան Շեխեր գյուղի միջև։
Թրամփն ու Մակրոնը որոշել են վերադարձնել Ռուսաստանին ու վերականգնել G8 ձևաչափը. ԶԼՄ
Ղարաբաղի բնակչությունը գտնվում է ծանր միջավայրում, մեկուսացված է։ Միևնույն ժամանակ Մակրոնը նշել է, որ Ֆրանսիայի վարչական միավորումները չեն կարող իրավական հարաբերություններ ունենալ չճանաչված միավորների հետ։
«Կարող եմ ստել ձեզ և ասել, որ կարելի է փաստաթղթեր ստորագրել ցանկացած միավորման հետ, բայց ես պետք է պատասխան տամ խոսքերիս համար։ Այդ պատճառով ազնիվ կլինեմ ձեզ հետ. Ֆրանսիայում մի քանի դիվանագիտություն լինել չի կարող։ Դա անհնար է իրավաբանորեն։ Դիվանագիտությունը կարող է միայն մեկը լինել։ Եվ ավելի լավ է այդ մասին ազնիվ ասել, քան կեղծավորություն անել ձեր առաջ։ Այդ իսկ պատճառով ադմինիստրացիաներն անում են իրենց գործը, դատարանները` իրենց», – ասել է նախագահը։
Նա շեշտել է, որ դա վերաբերում է ոչ միայն Ղարաբաղին, այլև աշխարհի ցանկացած կետի չճանաչված տարածքներին։
Միևնույն ժամանակ, ըստ Մակրոնի, հարցը լուծում ունի` եթե դիտարկվի ոչ թե համագործակցության ձևը, այլ բովանդակությունը։ Եթե որևէ մեկն իսկապես ուզում է աջակցել Ղարաբաղի բնակչությանը, ապա դա հնարավոր է անել։
«Ոչինչ չի խանգարում մարդասիրական մշակութային կապեր հաստատել ԼՂՀ բնակչության հետ։ Դրա համար կան ձևեր, որոնք համապատասխանում են Ֆրանսիայի իրավունքին, և նման օրինակներ արդեն կան, այդ թվում` ֆրանսահայերի կազմակերպությունների կողմից»,–ընդգծել է Մակրոնը։
Մենք ձեր կողքին ենք հանուն Հայաստանի ապագայի. Մակրոնը նամակ է գրել Սարգսյանին
Նշենք, որ արտասահմանյան մի քանի կազմակերպություններ նախագծեր են իրականացնում ԼՂՀ–ում։ Դրանցից ամենահայտնին բրիտանական HALO Trust–ն է, որն ականապատ դաշտերի վնասազերծմամբ է զբաղվում։ Գործում են նաև մի շարք այլ կազմակերպություններ (հայ–ֆրանսիական բողոքական SPFA կազմակերպությունը, հայ–շվեյցարական KASA կազմակերպությունը և այլն)։
