ԵՐԵՎԱՆ, 28 հունվարի — Sputnik. Ոստիկանությունն ազատ է արձակել ընդդիմադիր «Ադեկվադ» կուսակցության ղեկավար Արթուր Դանիելյանին, որը ձերբակալվել էր թմրանյութ պահելու կասկածանքով:
Դանիելյանը լրագրողների հետ զրույցում նշել է, որ ոստիկանությունում ևս մեկ բերման ենթարկված կա, որը նույնպես հաշված րոպեների ընթացքում ազատ կարձակվի։
«Ինձ բռնեցին այն պահին, երբ եկել էի ոստիկանության շենքի մոտ`պարզելու Նարեկ Մալյանի ձերբակալության պատճառները։ Նրանց խոսքով` մենք կասկածվում ենք թմրանյութեր ունենալու մեջ։ Այսինքն ՝ նրանք կարծում էին, որ ես թմրանյութը գրպանումս ուզում էի մտնել ոստիկանության շենք», - ասաց Դանիելյանը ։
Ոստիկանությունը Արթուր Դանիելյանի մոտ ոչինչ չի հայտնաբերել։
Նշենք, որ այսօր «Վետո» շարժման առաջնորդ Նարեկ Մալյանը և «Ադեկվադ» կուսակցության հիմնադիրներից Կոնստանտին Տեր-Նակալյանը ձերբակալվել են զենք պահելու կասկածանքով։
