ԵՐԵՎԱՆ, 26 հունվարի — Sputnik. Facebook սոցիալական ցանցի հայկական տիրույթում օգտատերերն ակտիվ քննարկում են ՀՀ վարչապետ Նիկոլ Փաշինյանի վերջին գրառումն ու հրապարակած լուսանկարը, որը ՍԴ նախագահ Հրայր Թովմասյանի դեմ «անհերքելի ապացույց» ունենալու մասին է։
«Սա Հրայր Թովմասյանի գրիչն է: Երկար ժամանակ մտածում էի՝ աղբանոցը նետե՞մ, թե՞ ոչ: Ի վերջո, որոշեցի պահել՝ որպես իմ տեսած ամենատարօրինակ քծնանքի, շողոքորթության վկայություն»,–գրել է Փաշինյանը նկարին կից և ընդգծել, որ 2018թ. մայիսին կայացած «Հայաստան» համահայկական հիմնադրամի հոգաբարձուների խորհրդի նիստում ինքը նշումներ կատարելու համար սեփական գրիչը չի գտել, փոխարենը Թովմասյանը «էլիտար» գրիչ է առաջարկել, որը հետո հրաժարվել է հետ վերցնել:
Sputnik Արմենիան առանձնացրել է սոցցանցի օգտատերերի ամենազվարճալի մեկնաբանությունները։
«Արմքոմեդի» հեռուստաշոուի հաղորդավար Նարեկ Մարգարյանն առաջարկել է գրչի իր տարբերակը՝ պիցցայի տեսքով, որը կարող է ակնարկ լինել, թե Հրայր Թովմասյանը ՀՀ 2–րդ նախագահ Ռոբերտ Քոչարյանի կողմնակիցների շարքում է։
«Էդ գրիչի՞ խաթր էինք կուբամետրով փոփքորն առել։ Facepalm-ների facepalm-ը...Գոնե սենց գրիչ լիներ...»:
Իսկ օգտատեր Մհեր Ղազարյանն էլ որոշել է անհերքելի ապացույց պահել իրեն գրիչ նվիրողի դեմ, մարդ ես` մի օր պետք կգա։
«Երեկ գրիչ եմ նվեր ստացել: Մտածում եմ` կարող է ասեմ, որ այս գրիչն ապացուցում է, որ 5000$ պարտքով փող եմ տվել գրիչը նվիրողին և սա ստացականն է, որ նվիրողը ստացել է պարտքով փողը»։
Լրագրող Նարեկ Միրզոյանն էլ համացանցում տարածում գտած չորս լուսանկարներից կոլաժ է սարքել. Linkedin, Facebook, Instagram, Tinder։ Իսկ կոլաժի թեման «օրվա հերոս» դարձած գրիչն է։
«Արմենիա» հեռուստաալիքի նախկին պրոդյուսեր Ռուբեն Մխիթարյանն էլ որոշել է խնդրանքով դիմել վարչապետին։
«Խնդրում եմ, ասա, որ էջդ կոտրել են!!!Խնդրում եմ, ասա, որ քո ստեղնաշարը ինքն իր կյանքով է ապրում և ինչ ուզում գրում է: Խնդրում եմ, ասա, որ սա Շարմազանովն է ինադու գրել, այլմոլորակայիններն են ստիպել, Չալոն է լոգին-փասվորդդ իմացել:Ախպոր պես, ասա, որ սա դու չես գրել, պռաշու ծեբյա... ումալյայու...#ճըտիկով_գրիչ»։
Razm.info կայքի համակարգող Կարեն Վրթանեսյանը պատկերացրել է Փաշինյանի և Թովմասյանի երկխոսությունները։
Օգտատեր Վիտալի Մանգասարյանն էլ հրապարակել է Փաշինյանի ու գործարար Սամվել Ալեքսանյանի հայտնի նկարն ու գրել. «Շեֆ, ես էլ կարամ գրիչ բերեմ, բայց ֆուռով»։
Բացի իրենց անձնական էջերում գրառումներ կատարելուց, օգտատերերը զվարճալի մեկնաբանություններ են գրել նաև վարչապետի գրառման տակ։ Նրանցից մեկը ստեղծված իրավիճակը համեմատել է հայտնի սերիալից ակնկալվող վերջին սերիայի հետ։
«Էս լրիվ էն սերիալներից էր, որ վերջին սերիային սպասում էինք ազգովի, որ իմանայինք՝ Ալեխանդրոն ում տղեն ա, էն էլ պարզվեց՝ Ալեխանդրոյի մայրը պարկեշտ կին ա, ու տղան ապօրինի չի»։
«Շոկի մեջ եմ». Փաշինյանը մեղադրում է Թովմասյանին պաշտոնը պահելու փորձի համար
Մեկ այլ օգտատեր էլ առաջարկել է, որ անհերքելի ապացույց գրչին պինդ պահեն, որ չմրսի ու դատարանում կարողանա ցուցմունք տալ։
Օգտատերերից մեկն էլ կեսկատակ–կեսլուրջ խնդրել է մյուսներին հիշեցնել, թե «պլենդուզ» հայերենում ինչպես են թարգմանում։
