ԵՐԵՎԱՆ, 25 հունվարի – Sputnik. ՆՏՎ-ի «Սվոյա պրավդա» ծրագրի ընթացքում Սիմոնյանն ասել է, որ Երկրորդ համաշխարհային պատերազմի իրադարձությունների մասին փաստաթղթերը գաղտնազերծելը բավական չէ, պետք է լինեն այդ տեղեկատվությունը «հասցնելու ալիքներ»։ Նրա կարծիքով՝ համացանցը շատ հարմար է դրա համար։
Պուտինը հայտնել է` Երկրորդ աշխարհամարտի վերաբերյալ արխիվային փաստաթղթերի համալիր կստեղծվի
«Լեհաստանն ազատագրելու համար Երկրորդ աշխարհամարտի ամբողջ ընթացքում զոհհված ամերիկացիներից շատ մարդ է զոհվել։ Դա բժշկական փաստ է։ Ուստի ես առաջարկում եմ այդ սրիկաներին, այդ վատ մարդկանց, որոնք թույլ են տալիս իրենց նսեմացնել մեր հայրերի ու պապերի հիշատակը, ոտնահարել նրանց մեծ զոհաբերությունները, նույնիսկ դագաղների մեջ հանգիստ չթողնել նրանց, ես ուղղակի խնդրում եմ բոլորին սոցիալական ցանցերում հաղորդագրություններ ուղարկել նրանց` «Բարև ձեզ, պան այսինչ, պապիկս զոհվել է Վարշավայի մոտ՝ ազատագրելով ձեզ, ձեր նախնիներին։ #ՉեքԱմաչո՞ւմ հեշթեգով»»,–ասել է RT հեռուստաալիքի գլխավոր խմբագիր Մարգարիտա Սիմոնյանը։
Նա առաջարկում է նման հաղորդագրություններ ուղարկել Լեհաստանի նախագահ Անջեյ Դուդայի, վարչապետ Մաթեուշ Մորավեցկու և ԱԳ փոխնախարար Պավել Յաբլոնկու էջերին Twitter-ում, Facebook-ում և Instagram-ում։
«Ուղարկեք ձեր պատմություններն այդ մարդկանց։ Թող նրանց համար մի քիչ տհաճ լինի։ Որքան շատ մարդ միանա, այնքան մեծ կլինի ազդեցությունը»,–ասել է Սիմոնյանը։
Հիշեցնենք, որ այս տարվա սկզբում լեհական իշխանությունները պաշտոնապես հրաժարվել են նշել Վարշավան ֆաշիստներից ազատագրելու 75-րդ տարեդարձը։ Իսկ Լեհաստանի նախագահ Անջեյ Դուդան հրաժարվել է մասնակցել Հոլոքոստի զոհերի հիշատակի միջազգային համաժողովին, որն այս շաբաթ տեղի է ունեցել Երուսաղեմում։
Կիսատ մնացած պատմությունները. ինչպես գտնել Հայրենականում անհետ կորած հարազատներին
