Պատգամավորներն ու լրագրողները «գազ տվեցին» «Գազպրոմի» դաշտում. ֆոտոշարք

Այսօր հայ լրագրողները և խորհրդարանականները ժամանակն անցկացրին ոչ թե մեդիադաշտում կամ օրինաստեղծ հարթակում, այլ Ավանում՝ «Գազպրոմ Արմենիա» մարզահամալիրի տարածքում։

Եվրո 2020-ի ընտրական փուլ․ Հայաստանն ուժերը չափեց Ֆինլանդիայի հետ․ ֆոտոշարք

Հայկական ԶԼՄ-ների հավաքականը խաղում էր նարնջագույն մարզաշապիկներով, իսկ ԱԺ թիմը՝ կարմիր։ Առաջին խաղակեսից հետո պատգամավորների դեմքը նույն գույնի էր․ նրանք պարտվում էին ազդեցիկ տարբերությամբ։

Լրագրողներից շարքում աչքի ընկան «Արմենիա» հեռուստաընկերության մարզական մեկնաբան Էդուարդ Քալանթարյանը և «Մեդիամաքս» տեղեկատվական գործակալության գլխավոր խմբագիր Դավիթ Ալավերդյանը, իսկ մրցակցի կազմում փայլուն ելույթ ունեցավ աշխարհի չեմպիոն, հունահռոմեական ոճի ըմբիշ, «Իմ քայլը» խմբակցության պատգամավոր Արսեն Ջուլֆալակյանը։

Ուսադիրներ ու անվանական դաշույն. ՀՀ ԶՈւ սպաների համար նոր կյանք սկսվեց. ֆոտոշարք

Հատկանշական է, որ ԱԺ թիմի մեկնարկային կազմում հասարակական հիմունքներով դաշտ դուրս եկավ․․․ Sputnik Արմենիայի ղեկավար Դմիտրի Պիսարենկոն, որը խաղին ներկա էր որպես երկրպագու։

Խցանումների պատճառով օրենսդիր մարմնի որոշ խաղացողներ չէին հասցրել խաղի սկզբին, ուստի երկրպագու-կամավորի՝ խորհրդարանի պատիվը պաշտպանելու առաջարկը շատ տեղին էր։

Սակավաթիվ երկրպագուների շարքում խաղի ընթացքին հետևում էր նաև սպորտի և երիտասարդության հարցերի նախկին նախարար Գաբրիել Ղազարյանը։

Թանգարանային գիշերը Երևանում. ովքե՞ր էին հետաքրքրված էքսպոնատներով. ֆոտոշարք