ԵՐԵՎԱՆ, 25 հունվարի — Sputnik. Սյունիքի մարզում կազմակերպված այսօրվա ասուլիսում ՀՀ վարչապետ Նիկոլ Փաշինյանն ասաց, որ սննդի պատրաստումը մասնավոր ընկերություններին պատվիրակելու արդյունքում այսօր «Նուբարաշեն» և «Արմավիր» քրեակատարողական հիմնարկների բոլոր դատապարտյալներն ու կալանավորները100 տոկոսով սնվում են ՔԿՀ ճաշարաններում։
«Քրեակատարողական հիմնարկներում մինչև այս ավանդույթի ներդրումը դատապարտյալներն այնտեղի ճաշարաններում հաց չէին ուտում, որովհետև այնտեղի ուտելիքն ուղղակի պիտանի չէր ուտելու համար։ Ու երբ ասվում է` հիմա 100 տոկոսով մասնակցում են, նշանակում է սնունդն այնքան լավն է, որ մարդիկ ուղղակի գնում և օգտվում են։ Եվ ես ուզում եմ ասել, որ սա նաև քրեածին մտածելակերպի և արժեհամակարգի դեմ մեր պայքարի շատ կարևոր օղակներից է»,– ասաց Փաշինյանը։
Ինչ արժե մարմնավաճառը գաղութում, ու ինչպես են ապրում «զոն նայողները». պատմում է ՔԿԾ պետը
Նրա խոսքով` ՔԿՀ–ներում նորմալ, արժանապատիվ պայմաններ ապահովելով կառավարությունը նպաստում է նրան, որ քրեական միջավայրում հայտնված անձինք քրեական մշակույթից վերադառնան նորմալ քաղաքացիական մշակույթ։
Հիշեցնենք` «Նուբարաշեն» և «Արմավիր» քրեակատարողական հիմնարկներում սննդի ապահովման նոր ծրագիրը մեկնարկել է 2019թ–ի հոկտեմբերին։
Հայաստանում ազատ կարձակեն ցմահ ազատազրկման դատապարտվածներից մեկին
