ԵՐԵՎԱՆ, 23 հունվարի – Sputnik. Երևանի քաղաքապետ Հայկ Մարությանը կնոջ` Իվա Մարությանի հետ այսօր այցելել է Ստանիսլավսկու անվան ռուսական դրամատիկական թատրոն։
«Իվայի հետ գնացել էինք Ստանիսլավսկու թատրոն՝ #saveմիլիոն ներկայացմանը, որտեղ գլխավոր դերում իմ լավ ընկեր Մկրտիչ Արզումանյանն է»,– Facebook սոցիալական ցանցի իր էջում գրել է նա:
Քաղաքապետը Մկոյի` Մկրտիչ Արզումանյանի հետ մի շարք լուսանկարներ է հրապարակել։
Հիշեցնենք` Հայկ Մարությանն ու Մկրտիչ Արզումանյանը տևական ժամանակ միասին նկարահանվել են «Կարգին հաղորդում» հումորային ծրագրում։ Ավելի ուշ տեղկություններ տարածվեցին, որ նրանց հարաբերություններ լարվել են։
Ի դեպ, այս լուսանկարները Faceboօk–ի իրենց էջերում հրապարակել են նաև ՀՀ վարչապետ Նիկոլ Փաշինյանն ու Մկրտիչ Արզումանյանը։
