Այս օրերին Հայաստանում թեժ քննարկումներ է առաջացրել անասունի մորթի թեման, քանի որ հունվարի 15–ից թույլատրվում է վաճառել միայն լիցենզավորված սպանդանոցներում մորթված կենդանիների միսը։
Սա արվում է անորակ, երբեմն էլ վարակված մսի իրացումից խուսափելու նպատակով։ Նորամուծությունը դուր չի եկել այս գործով զբաղվողներին։
Նրանք այս օրերին բողոքի ակցիաներ են անցկացնում կառավարության շենքի մոտ` պահանջելով հետաձգել որոշումը։ Պատճառները մի քանիսն են. սպանդանոցների թիվը քիչ է, նրանք ստիպված են ուրիշ մարզ գնալ, իսկ դա ոչ միայն ժամանակի, այլև միջոցների կորուստ է։
Այն, որ սպանդանոցներում ամեն ինչ ավելի լավ է արվում, իսկ գլխավորը` ավելի մաքուր, նրանց համար տվյալ դեպքում պակաս կարևոր է։
Թեման ուսումնասիրելու համար մենք որոշեցինք այցելել սպանդանոց և Արմավիրի մարզի այն գյուղերից մեկը, որի բնակիչները փողոց էին դուրս եկել` պահանջելով չեղարկել որոշումը։
Զանգվածային ակցիաներ Հայաստանում. ֆերմերները կառավարությունից պահանջում են լսել իրենց
Նշենք, որ 2018թ.–ի դրությամբ հայաստանյան սպանդանոցները կենտրոնացած էին հիմնականում մայրաքաղաքին հարակից տարածքներում` Կոտայքի մարզում` 11, Մասիսում` 1, ևս 2-ը` Էջմիածինում։ Ապարանում, Վանաձորում, Ալավերդիում Դիլիջանում ու Եղեգնաձորում երկուական սպանդանոց էր գործում, իսկ անասնապահական խոշոր շրջաններում` Շիրակում, Գեղարքունիքում, ինչպես նաև Սիսիանում սպանդանոցներ ընդհանրապես չկային։
Բողոքի ակցիա Արմավիրի մարզում. ֆերմերները սպառնում են անասուններին Երևան բերել
