ԵՐԵՎԱՆ, 22 հունվարի — Sputnik. Ռուսաստանցի երգչուհի, դերասանուհի և հաղորդավար Ալյոնա Սվիրիդովան ու նրա հայ զուգընկեր Դավիթ Վարդանյանն արդեն 11 տարի միասին են։ Այդ առիթով երգչուհին գրառում է արել Instagram սոցիալական ցանցում և համատեղ լուսանկար հրապարակել։
«Մեկը մոխրագույն, մյուսը սպիտակ, երկու ուրախ սագ։ Աննկատելիորեն մեզ համար ապրեցինք 11 տարի։ Ում մտքով կանցներ», – գրել է երգչուհին։
Սվիրիդովան դրել է «ժողովուրդների բարեկամություն» և «ռուսներն ու հայերն արժեն միմյանց» հեշթեգերը։
Աստղի բաժանորդները շտապել են շնորհավորել նրան և նրա գրառման տակ բազմաթիվ մեկնաբանություններ են գրել. «Դուք շատ եք սազում միմյանց», «Ափսոս, ընդհանուր երեխաներ չունեք»։
Սվիրիդովան Նոր տարին դիմավորել է իտալական մակարոնով և «հայկական ակցենտով»
Ավելի վաղ Սվիրիդովան «Միլիոն արժեցող գաղտնիքը» հաղորդման ընթացքում խոստովանել է, որ դեռ չի պատրաստվում ամուսնանալ իր ընտրյալի` Դավիթ Վարդանյանի հետ։
Երգչուհին խոստովանել է, որ Դմիտրի Միրոշնիչենկոյից բաժանվելուց հետո մտադիր չէր նոր սիրավեպ սկսել։ Ալյոնան հաճույք էր ստանում որդու հետ շփվելուց և շարունակում էր արվեստով զբաղվել։ Ամեն ինչ փոխվեց, երբ երգչուհին հանդիպեց Վարդանյանին։
Ալյոնա Սվիրիդովան պատմել է հայ գործարարի հետ հարսանիքի մասին
Սվիրիդովան նշել է, որ իրենց միջև անմիջապես ուժեղ զգացմունք է առաջացել։ Չնայած Դավիթն Ալյոնայից 14 տարով փոքր է, սակայն դա չի խանգարել նրանց։ Հակառակը` նրանց հարաբերությունները ժամանակի ընթացքում ավելի են ամրացել։
