Եվրասիական համագործակցության ֆինանսաբանկային ասոցիացիայի գլխավոր տնօրենի տեղակալ Սամվել Ճզմաչյանը Sputnik Արմենիայի եթերում նշեց, որ ժամանակին «Բանկային գաղտնիքի մասին» օրենքն ընդունելը բանկային համայնքը համարեց հաղթանակ բանկային աշխարհում:
Նրա խոսքով` օրենքը նպաստեց մեր տնտեսության մեջ մեծ ներդրումների հոսքին: Այն ընդունվել էր հաշվի առնելով միջազգային փորձն ու զարգացած երկրների օրինակը:
Նշենք, որ «Բանկային գաղտնիքի մասին» օրենքի նախագիծը կազմել է արդարադատության նախարարությունը։ Նոր կանոնների համաձայն` դատարանը կարող է միջնորդություն ներկայացնել բանկային տեղեկություններ ստանալու մասին։ Օրենքը թույլ է տալիս ոչ միայն ֆինանսական խարդախություններ անողների, այլև նրանց հետ փոխկապակցված անձանց հաշիվներն ու ունեցվածքը ստուգել։
«Եթե մեր կառավարությունը համարում է, որ նշված օրենքն իր նոր դրույթներով պետք է կրի ժամանակավոր բնույթ, ապա պրակտիկորեն «բանկային գաղտնիք» հասկացությունը բացվում է, ինչը շատ վատ է: Եթե կառավարությունը գտնում է, որ «видишь ли» կոռուպցիան շատ է ու պետք է դրանից ազատվել»,- նշեց Եվրասիական համագործակցության ֆինանսաբանկային ասոցիացիայի գլխավոր տնօրենի տեղակալը:
Բանկային գաղտնիքը չի օգնի. ԱԺ–ն փողերի լվացման դեմ նախագիծ է քննարկում
Ճզմաչյանն արդեն լսել է որոշ մեկնաբանություններ այն մասին, որ մեր երկիր ներդրումներ չեն անում ոչ միայն քաղաքական պատճառներով, այլև այն հիմնավորմամբ, որ «բանկային գաղտնիք» հասկացությունը մեզ մոտ բացվում է, հետևաբար օրենքը պետք է բերվի նախնական տեսքին:
Մարգարյան. «Օրենքի փոփոխությունը կարող է հանգեցնել բանկային տվյալների արտահոսքի»
Անդրադառնալով ՀՀ արդարադատության նախարարության հիմնավորմանը, ըստ որի՝ Եվրոպայի խորհրդի Moneyval խումբը Հայաստանին խորհուրդ է տվել հանել բանկային գաղտնիքի սահմանափակումներն այն դեպքերում, եթե պետք է ֆինանսական հանցագործություն բացահայտել, Ճզմաչյանը նշեց, որ չի ճանաչում Moneyval խմբին ու չի էլ ցանկանում ճանաչել։ Մեր զրուցակիցը հարցնում է` ինչու՞ նման խորհուրդներ չեն տալիս ԱՄՆ-ի, Մեծ Բրիտանիայի և Ֆրանսիայի կառավարություններին: Իսկ եթե անգամ տալիս են, ապա ինչու՞ այդ խմբին չեն լսում:
