ԵՐԵՎԱՆ, 21 հունվարի - Sputnik. ՀՀ Քննչական կոմիտեն ուսումնասիրում է Փաստաբանների պալատի` փաստաբանի և նրա վստահորդի միջև անթույլատրելի գաղտնալսման մասին հայտարարությունը։
Ավելի վաղ Փաստաբանների պալատը հայտնել էր, որ Շիրակի մարզում աշխատող քննիչներից մեկը՝ Արմեն Գյոզալյանը, լսել և ծանոթացել է փաստաբանի և իր պաշտպանյալի, ինչպես նաև դատավարության մեկ մասնակցի միջև հեռախոսային խոսակցությունը:
«Հայտարարության ուսումնասիրմամբ պարզվել է, որ ՀՀ ՔԿ Շիրակի մարզային քննչական վարչության ավագ քննիչ Ա.Գյոզալյանի վարույթում ՀՀ քրեական օրենսգրքի 131-րդ հոդվածի 1-ին մասի հատկանիշներով քննվող թիվ 22100419 քրեական գործով իրականացված հեռախոսային խոսակցությունների վերահսկման ընթացքում գաղտնալսվել են մեղադրյալի, դատավարության այլ մասնակցի և նրանց փաստաբան Է.Թումասյանի միջև հեռախոսային խոսակցությունները, որոնք քննիչը կցել է քրեական գործի նյութերին»,- նշված է հաղորդագրության մեջ:
Արտերկիր որդեգրված որևէ երեխա չի վերադարձվել Հայաստան. ՔԿ
ՀՀ քննչական կոմիտեի նախագահ Հայկ Գրիգորյանի հանձնարարությամբ ՀՀ ՔԿ ներքին անվտանգության վարչությունում իրականացվում է նախնական ուսումնասիրություն:
Sputnik Արմենիայի հրապարակման հետքերով. ՀՔԾ–ն ճշտում է` ով է իրականացնում վարույթը
