ԵՐԵՎԱՆ, 20 հունվարի – Sputnik. Բրիտանացի արքայազն Հարրին հայտարարել է, որ թագավորական ընտանիքի պարտականությունների կատարումից հեռանալը շատ է տխրեցնում իրեն, այդ որոշումը հեշտ չի եղել, բայց այլընտրանք չի ունեցել, գրում է ՌԻԱ Նովոստին։
«Վերադարձրեք Մեգանի ոճաբանին». դքսուհին վերագտել է իր ժպիտը Կանադայում
Ավելի վաղ Բուքինգհեմյան պալատը հաղորդել է, որ բրիտանացի արքայազն Հարրին և նրա կինը` Մեգան Մարքլը, այս տարվա գարնանից կդադարեն կատարել թագավորական պարտականությունները և այլևս չեն կոչվի «Նորին թագավորական մեծություն»։
Արքայազնը, ելույթ ունենալով Sentebale կազմակերպության անդամների առաջ, հայտարարել է, որ Մեծ Բրիտանիան նրա տունն է և վայր, որը նա սիրում է։
«Երբ Մեգանն ու ես ամուսնացանք, մենք հիացած էինք, հույսով լի և ուզում էինք ծառայել։ Այդ պատճառով ես շատ տխրում եմ, որ բանը հասել է սրան։ Այս որոշումը ինձ հեշտ չի տրվել», – հայտարարել է արքայազնը։
Նրա ելույթի տեքստը մեջբերում է ITV հեռուստաալիքը։
Մեգան Մարքլի հայրը պատրաստ է դստեր դեմ ցուցմունք տալ. ԶԼՄ
«Այսքան տարիների փորձություններից հետո բանակցությունները տևել են մի քանի ամիս։ Եվ ես գիտեմ` միշտ չէ, որ ամեն ինչ ճիշտ եմ արել, բայց հայտնի իմաստով` ես այլընտրանք չունեի։ Ուզում եմ պարզաբանել, որ մենք չենք հեռանում, մենք չենք լքում ձեզ։ Մենք ուզում էինք ծառայել թագուհուն, ինչպես նաև կատարել պարտականությունները իմ ռազմական ասոցիացիաների հարցում, բայց առանց պետական ֆինանսավորման։ Ցավոք, դա անհնար էր», – հավելել է արքայազն Հարրին։ Նա շնորհակալություն է հայտնել տատիկին` թագուհի Եղիսաբեթ 2–րդին և թագավորական ընտանիքին աջակցության համար, որը ցուցաբերել են իրեն և կնոջը այդ իրավիճակում։
«Մենք ցատկ ենք անում դեպի անհայտություն։ Շնորհակալություն, որ ինձ քաջալերեցիք, որպեսզի ես կարողանամ գնալ այդ քայլին», – ասել է արքայազնը։
Հարրիի և Մեգանի արձանները հանել են Տյուսոյի թագավորական ընտանիքի ցուցադրությունի
Նշենք, որ օրեր առաջ Մեծ Բրիտանիայի արքայազն Հարրիի կինը` Մեգան Մարքլը, որոշել էր վերջակետ դնել անցյալին. նախկին դերասանուհին աշխատանքից ազատել էր բրիտանացի բոլոր աշխատողներին։
Ավելի վաղ դուքսն ու դքսուհին հասկացնել էին տվել, որ ուզում են պահպանել նստավայրը, բայց սկսել են նոր տուն որոնել Կանադայում։
Զույգի` այլ երկիր տեղափոխվելու ծրագրերին բացասաբար են արձագանքել տեղի բնակիչները։
