ԵՐԵՎԱՆ, 18 հունվարի – Sputnik. Առողջապահական և աշխատանքի տեսչական մարմինը (ԱԱՏՄ) ջեռուցման ապահովման նորմերի խախտումները պարզելու նպատակով Երևանի և Կոտայքի մարզի 11 դպրոցի նկատմամբ հարուցել է վարչական վարույթ։ ԱԱՏՄ մամուլի ծառայության հաղորդմամբ` դրա համար հիմք են դարձել տեսչական մարմին հասցեագրված բողոքներն են և մամուլի հրապարակումները, ինչպես նաև՝ հունվարի 8-14-ը ՀՀ ԱՆ Հիվանդությունների վերահսկման և կանխարգելման ազգային կենտրոնից (ՀՎԿԱԿ) ստացած տեղեկությունները։
Նոր առարկա` դպրոցականների համար. օդանավակայանում մնացող խաբված քաղաքացիներ չե՞նք ունենա
Ըստ այդ տվյալների` հունվարի 8-ից 14-ը ներառյալ մի շարք դպրոցներում արձանագրված ջերմաստիճանային ցուցանիշերը չեն համապատասխանել հաստատված սանիտարական կանոնների և նորմերի պահանջներին։
Վարույթներ են հարուցվել Երևանի Գալինա Ստարովոյտովայի անվան հ․ 177, Մուշեղ Մխոյանի անվան հ․ 68, Րաֆֆու անվան հ․ 36, Միսաք Մեծարենցի անվան հ. 146 և հ. 136 հիմնական դպրոցներում, Կոտայքի մարզում գործող Հրազդանի հ․ 10 ավագ դպրոցում, Ջրառատի, Փյունիկի, Ֆանտանի, Կամարիսի, Ազատ Սիմոնյանի անվան և Կապուտանի միջնակարգ դպրոցներում։ Այս հաստատություններում ԱԱՏՄ զննումները շարունակվում են։
Դպրոցական դասագրքերը կփոխվեն. առաջինը նոր գրքերով կսովորեն Տավուշի աշակերտները
Տեսչական մարմինը նաև նշում է, որ հատկապես մարզային ուսումնական հաստատություններում ջերմային ռեժիմը երբեմն խախտվում է օբյեկտիվ պատճառներով։ Այս առումով ԱԱՏՄ-ն որդեգրել է գործընկերային քաղաքականություն, որի համաձայն՝ արձանագրված խնդիրների մասին տեղեկացվում է նաև այն պատկան կառույցներին, որոնց ենթակայությամբ գործում են դպրոցները, անհրաժեշտության դեպքում տրվում է խորհրդատվություն։ Վարույթ հարուցվում է այն հաստատությունների նկատմամբ, որոնցում շարունակաբար ցածր ջերմաստիճան է արձանագրվում։
