Հարցման մասնակիցների մեծամասնությանը ուրախացրել է Հայաստանի Հանրապետության և Չինաստանի Հանրապետության միջև առանց վիզայի ռեժիմի գործարկումը։ Նրանք կարծում են, որ այս քայլը կնպաստի զբոսաշրջության աճին` թե Չինաստանից Հայաստան և թե հակառակը։
«Առանց վիզայի ավելի՞ հեշտ է, քան վիզայով չէ՞» - հարցին հարցով պատասխանեց մասնակիցներից մեկը։
Մեր հարցում ցույց տվեց նաև, որ ՀՀ քաղաքացիների մեծամասնության ցանկությունը Չինաստան այցելելու մեկն է՝ զբոսաշրջությունը, այդ երկրի տեսարժան վայրերը տեսնելը։
«Տուրիզմի, միգուցե նաև գործնական, բայց առայժմ դեռ տուրիզմի»,- ասաց քաղաքացին։
Հարցման մասնակիցներից մեկը հույս հայտնեց, որ Հայաստանի և Չինաստանի միջև առանց վիզայի համակարգի հաստատումը կնպաստի 2 երկրների միջև առևտրի զարգացմանը։
Հայաստանի ու Չինաստանի արտգործնախարարներ Զոհրաբ Մնացականյանն ու Վան Ինը երկրների միջև վիզային ռեժիմի չեղարկման համաձայնագիրը կնքել էին 2019–ի մայիսի 26–ին։ Դեկտեմբերի 10-ին արդեն ՀՀ ԱԺ–ն միաձայն վավերացրել էր Չինաստանի հետ մուտքի արտոնագրի վերացման համաձայնագրի վավերացման օրինագիծը։ Իսկ դեկտեմբերի 19–ին այն ստորագրել էր ՀՀ նախագահ Արմեն Սարգսյանը։
