ԵՐԵՎԱՆ, 14 հունվարի — Sputnik. Վրաստանի քաղաքացուն ձերբակալել են վրաց-ադրբեջանական սահմանի չհամաձայնեցված հատվածում։ Այնտեղ այսօր իսկական մարտ է եղել, որին կնախանձեին հոլիվուդյան ֆիլմերի բազում սցենարիստները։
Sputnik Գրուզիան հայտնում է, որ զինված հանցագործը վրացի սահմանապահին պատանդ է վերցրել. սահմանամերձ գոտում գտնվող Վրաստանի քաղաքացին, զենքով ու նռնակով սպառնացել է և վրացի սահմանապահին ստիպել, որպեսզի նա գնա դեպի Ադրբեջանի հետ սահմանի չհամաձայնեցված հատված։
Ադրբեջանական ԶՈւ–ն մասամբ Վրաստանի տարածք է անցել. Արտակ Դավթյան
Սակայն սահմանապահ ոստիկանության օպերատիվ աշխատանքի շնորհիվ հաջողվել է իրավիճակը շտկել։ Չարագործին ձերբակալել են, իրականացվում է քննություն` հրազենային զենքն ապօրինի կրելու, պահելու և ձեռքբերելու, նաև կյանքին կամ առողջությանը վտանգ սպառնացող բռնությամբ, կամ բռնության սպառնալիքով պատանդ վերցնելու հոդվածներով։ Հոդվածը նախատեսում է 9–14 տարի ազատազրկում։
