ԵՐԵՎԱՆ, 13 հունվարի — Sputnik. Հարյուրավոր ուսանողներ հավաքվել են Թեհրանի համալսարանի շենքի մոտ` ուկրաինական ինքնաթիռի զոհերին հարգանքի տուրք մատուցելու, ակցիան հանրահավաքի է վերածվել։ Այս մասին հայտնում է ՌԻԱ Նովոստին։
Խաղաղ հավաքն ավելի ուշ ցույցի է վերածվել, որտեղ 700–ից հազար ուսանող սկսել են «ծայրահեղական կարգախոսներ» վանկարկել։ Նրանք պահանջում էին, որ ողբերգության մեղավորները հրաժարական տան ու նրանց նկատմամբ դատական հետապնդում սկսվի։
Գործակալությունը հայտնում է, որ ակցիայի մասնակիցները ցուցադրաբար պատռել են հունվարի սկզբին ամերիկյան հարվածի հետևանքով մահացած Իրանի Իսլամական հեղափոխության պահապանների կորպուսի (ԻՀՊԿ) գեներալ Ղասեմ Սոլեյմանիի լուսանկարը։
ԻՀՊԿ հրամանատարը ներողություն է խնդրել կորածնված ուկրաինական Boeing–ի համար
ՌԻԱ Նովոստիի տվյալներով` շաբաթ երեկոյան քաղաքի կենտրոնական հատվածում բազում ոստիկաններ են հավաքվել, անվտանգության միջոցներն էլ ուժեղացված են եղել։
