ԵՐԵՎԱՆ, 10 հունվարի — Sputnik. Ղարաբաղցի պատանի երգիչ Միշան (Միխայիլ Գրիգորյանը) Instagram–ում տեսանյութ և լուսանկարներ է հրապարակել հայտնի արտիստ Ֆիլիպ Կիրկորովի հետ։
Посмотреть эту публикацию в Instagram
Տաղանդավոր տղան հրապարակման տակ զվարճալի գրառում է արել. «Նրան ռուսական էստրադայի արքա են անվանում, իսկ ինձ` հաճախ ռուսական էստրադայի արքայազն։ Վերջերս Մոսկվայում էի երգում նույն բեմահարթակում, որտեղ էլ մենք ծանոթացանք»։
Տեսանյութում երևում է, ինչպես է Կիրկորովը զվարճանում փակ երեկույթի ժամանակ, այնուհետև գրկում իրեն մոտեցած Միշային։
Երգիչ Ֆիլիպ Կիրկորովը 651 հազար եվրո կվճարի լատվիական ABLV բանկին
Պատանի երգչի երկրպագուները գրառման տակ հիացական մեկնաբանություններ են թողել. «Միշա, լավագույնը կլինես, ես դա գիտեմ», «Դու շատ լուսավոր և բարի տղա ես», «Քայլիր կյանքով վստահ», «Հրեշտակդ քեզ կպաշտպանի», «Դու Ղարաբաղի արքայազն ես և դա ճշմարտություն է»։ «Միշա, դու իսկապես երաժշտության ու էստրադայի արքայազնը և արքան ես, քեզ բոլորը սիրում են», «Դու ավելի հզոր ես»,- գրել են օգտատերերը։
Կիրկորովի բնակարանը պարտքերի պատճառով աճուրդի կհանեն
Իսկ ինչ–որ մեկը նախազգուշացրել է տղային. «Նրա նման մի՛ եղիր, Միշենկա»։ Միևնույն ժամանակ բաժանորդներից մեկը նկատել է` «Արյունը ջուր չի դառնա», հավանաբար, ակնարկելով Ֆիլիպ Կիրկորովի հայկական արմատների մասին։
Հիշեցնենք, որ Միշան Հայաստանը ներկայացնում էր «Մանկական Եվրատեսիլ 2019» միջազգային երգի մրցույթում, որտեղ զբաղեցրել է 9-րդ տեղը։
