ԵՐԵՎԱՆ, 9 հունվարի — Sputnik. ՀՀ առողջապահության նախարար Արսեն Թորոսյանը վստահեցնում է` Մարալիկի ծննդատան փակումն իր անձնական որոշումը չէ, այլ մի մեծ գործընթացի հետևանք. նախարարն այս մասին ասաց այսօր լրագրողների հետ ճեպազրույցում` կառավարության նիստից հետո։
«Մարալիկի ծննդատունը փակվում է մի շարք հիմքերով` անհրաժեշտ բժիշկների բացակայություն, ծնունդների թվի նվազում, շենքային պայմաններ։ Մարալիկի ծննդատունը փակելով` մենք որևէ ֆինանսական տնտեսում չենք անում, քանի որ, միևնույն է, այդ գումարները տրվելու են Արթիկի ԲԿ–ին, որը գտնվում է Մարալիկից 15 կմ հեռավորության վրա»,–ասաց նախարարը։
Մայրը բղավոցներ է լսել ու վազել սենյակ. դռան փականից երեխայի կախվելը` խաղի հետևա՞նք
Նրա խոսքով` իրենք մանկական և մայրական մահացությունները կանխարգելելու խնդիր ունեն, ինչի համար էլ 2018–ի կեսերից որոշեցին վերանայել Հայաստանում ծննդօգնություն մատուցող բոլոր կազմակերպությունների աշխատանքը։ Թորոսյանը նշում է`փորձը ցույց է տալիս, որ ծնունդների քանակը, բժշկական միջամտությունների թիվն ուղիղ համեմատական է ծառայությունների մատուցման որակին։ Այսինքն` եթե ինչ–որ ԲԿ–ում տարեկան 1000 վիրահատություն է կատարվում, իսկ մեկ ուրիշում 100, ապա միանշանակ ավելի շատ վիրահատություն իրականացնող ԲԿ–ում մատուցվող ծառայություններն ավելի որակյալ են։
Ձմեռ պապերը պատուհաններից «ներխուժել» են բժշկական կենտրոն. լուսանկարներ
Հենց այս սկզբունքով էլ ծննդատների դեպքում էլ որոշվել է ընդունվող ծնունդների նվազագույն շեմ սահմանվել` ծննդատունը պետք է տարեկան գոնե 150 ծնունդ ընդունի։ Բացառություն են կազմել միայն Բերդը, Ճամբարակը և Մեղրին, քանի որ նշված վայրերում ծննդատների աշխարհագրական դիրքն այնքան էլ մատչելի չէ։
Հիշեցնենք, որ երեկ Շիրակի մարզի Անի խոշորացված համայնքի Մարալիկ քաղաքի բնակիչները փակել էին Գյումրի–Երևան ճանապարհը։ Նրանք պահանջում էին չեղարկել Մարալիկի առողջության կենտրոնի ծննդաբերական բաժանմունքի փակման որոշումը։ Ի դեպ, ըստ տվյալների`2018 թվականին Մարալիկի առողջության կենտրոնի մանկաբարձական ծառայությունից օգտվել է 126 ծննդկան, իսկ 2019-ին` 105:
