ԵՐԵՎԱՆ, 5 հունվարի — Sputnik. ՀՀ տարածքային կառավարման և ենթակառուցվածքների նախարար Սուրեն Պապիկյանը հորդորում է ներդրողներին՝ մասնակցել Վանաձորում ենթակառուցվածքների բարելավման և զբոսաշրջության խթանման իրենց նախաձեռնությանը և նպաստել հանրապետության երրորդ քաղաքի տնտեսական թռիչքին: Այս մասին նախարարը գրել է Facebook-ի իր էջում՝ անդրադառնալով Վանաձորի բարեկարգման խնդիրներին:
«2020 թվականը ենթակառուցվածքների զարգացման ծրագրերով ևս չի զիջելու նախորդ տարվան: Մասնավորապես, Վանաձորում նախատեսում ենք վերականգնել միջպետական ճանապարհին կապվող Կարեն Դեմիրճյան, Գրիգոր Լուսավորիչ, Աղայան, Ներսիսյան, Նաիրի տարանցիկ փողոցները»,-գրել է նախարարը:
Տեսնես ի՞նչ է ուտում մեր հարևանը. էկոլոգիայի ինստիտուտը հաստատում է դառը ճշմարտությունը
Նրա խոսքով` քաղաքի զարգացման ծրագրով նախատեսվում է նաև մի շարք այլ ենթակառուցվածքներ ստեղծել: Ծրագրի մեջ են մտնում նաև Ազատամարտիկների պուրակի արդիականացման, հեծանվային ուղիների կառուցման և այլ նախագծեր:
Ճոպանուղու կառուցում, հանգստյան գոտի. վարչապետի հետ քննարկել են Վանաձորի զարգացման ծրագիրը
Նշենք, որ ՏԿԵ նախարարն այսօր Լոռու մարզպետ Անդրեյ Ղուկասյանի և Վանաձորի քաղաքապետ Մամիկոն Ասլանյանի հետ շրջայց կատարեց Վանաձորում: Նա Facebook-ի ուղիղ հեռարձակմամբ հանրությանը ներկայացրեց Վանաձորի խնդիրները:
