Սոցցանցերում տեսանյութ է հայտնվել, որտեղ երևում է, թե ինչպես են հայկական զորամասերից մեկում զինծառայողները տոնում Ամանորը։ Պարելու երաժշտություն, բարձր տրամադրություն ու` տոնը պատրաստ է։
Ուշագրավ է այն հանգամանքը, որ երաժշտությունն ապահովողները նույնպես զինծառայողներն են, որոնք դհոլ, զուռնա են նվագում։
Տոնական մթնոլորտն ապահովում է նաև տոնի գլխավոր խորհրդանիշը` Ձմեռ պապը, որը նույնպես պարում, ուրախանում է զինվորների հետ։
Զինծառայողներն ինքնամոռաց պարում են, իսկ նրանք, ովքեր չեն պարում, ծափերով խրախուսում են պարողներին։ Տեսանյութը շատերին է հուզել և բոլորն իրենց մեկնաբանություններում խաղաղություն ու բարի ծառայություն են մաղթել տղաներին։
