ԵՐԵՎԱՆ, 3 հունվարի — Sputnik. Հայաստանի գրեթե բոլոր մարզերում ձյուն է տեղում։ Արտակարգ իրավիճակների նախարարությունը հայտնում է, որ հունվարի 3-ին, ժամը 17։ 00-ի դրությամբ կան փակ և դժվարանցանելի ավտոճանապարհներ։
Վարդենյաց լեռնանցքը Գեղարքունիքի մարզի կողմից փակ է բեռնատարների համար, իսկ մարդատար ավտոմեքենաների համար՝ դժվարանցանելի: Վայոց Ձորի մարզի կողմից Վարդենյաց լեռնանցք տանող ավտոճանապարհին տեղ-տեղ առկա է մերկասառույց:
Ժամը 17։ 00-ի դրությամբ ձյուն է տեղում Տիգրանաշենի ոլորաններում, Կոտայքի մարզի Եղվարդ, Աբովյան, Արագածոտնի մարզի Թալին, Աշտարակ, Ապարան, Արարատի մարզի Արտաշատ, Վայոց ձորի մարզի Եղեգնաձոր, Վայք, Ջերմուկ, Սյունիքի մարզի Սիսիան, Գորիս, Քաջարան քաղաքներում, «Մեղրու սար» կոչվող հատվածում, Երևան-Սևան, Սիսիան-«Զանգեր» և Սարավան-«Զանգեր» ավտոճանապարհներին:
Սոթք-Քարվաճառ ավտոճանապարհին մառախուղ է:
Տուգանք և 4 բալի կորուստ` տարվա հենց առաջին օրը. քանի խմած վարորդ է հայտնաբերել ՃՈ–ն
Ստեփանծմինդա-Լարս ավտոճանապարհը բաց է բոլոր տիպի տրանսպորտային միջոցների համար:
ԱԻՆ–ը վարորդներին խորհուրդ է տալիս երթևեկել բացառապես ձմեռային անվադողերով։
