ԵՐԵՎԱՆ, 1 հունվարի — Sputnik. Ամանորին` կեսգիշերն անց, Վանաձոր-Սպիտակ-Գյումրի ավտոճանապարհին տեղի է ունեցել ՃՏՊ, որի հետևանքով 4 մարդ է տեղափոխվել հիվանդանոց։ Նրանցից երկուսը երեխաներ են, հայտնում է արտակարգ իրավիճակների նախարարության մամուլի ծառայությունը։
«Հունվարի 1-ին, ժամը 02:21-ին «911» ծառայություն տեղեկություն է հաղորդվել, որ Վանաձոր-Սպիտակ-Գյումրի ավտոճանապարհին տեղի է ունեցել ՃՏՊ. կան տուժածներ: Պարզվել է, որ Սպիտակ-Արևաշող ավտոճանապարհի 1-ին կմ-ին բախվել են «Opel Astra G» վարորդը՝ 30-ամյա Ռաֆայել Մ-ն և «Mercedes E180» մակնիշների ավտոմեքենաները»,–նշված է հաղորդագրության մեջ։
Երևանի կենտրոնում «Բրաբուսի» վարորդը ծեծում է տարեց տղամարդուն. տեսանյութ (18+)
«Opel Astra G» ավտոմեքենայի վարորդը, ուղևորները՝ 27-ամյա Հասմիկ Պ.-ն, 5-ամյա Ռոբերտ և 4-ամյա Եվա Մ.-երը, հոսպիտալացվել են Սպիտակի ԲԿ։ Բժիշկները Հասմիկ Պ.-ի և 6–ամյա Ռոբերտի առողջական վիճակը գնահատել են ծանր, իսկ Ռաֆայել Մ.-ինը և 4–ամյա Եվա Մ.-ինը՝ ծայրահեղ ծանր։
Ավելի ուշ 4–ամյա աղջնակին տեղափոխել են Վանաձորի ԲԿ, որտեղից Sputnik Արմենիային հայտնեցին, որ երեխան մի շարք վնասվածքներ է ստացել։ Աղջնակին վիրահատել են ու տեղափոխել հիվանդասենյակ։
