ԵՐԵՎԱՆ, 1 հունվարի — Sputnik. Հայաստանի ֆուտբոլի հավաքականի ավագ և իտալական «Ռոմայի» կիսապաշտպան Հենրիխ Մխիթարյանը շնորհավորելով բոլորի Նոր տարին նշել է`թող որ մարդիկ ապրեն միմյանց սիրելով և հարգելով, միասնական, առանց չարության ու ատելության: Այս մասին Մխիթարյանը գրել է Facebook սոցիալական ցանցի իր էջում հրապարակած լուսանկարին կից։
Լուսանկարում Մխիթարյանը կնոջ` Բեթի Վարդանյանի հետ է։
«Ցանկանում եմ շնորհավորել բոլորիդ Ամանորի առթիվ: Թող որ այս տարին հայ ժողովրդի համար լինի էլ ավելի մեծ հաջողությունների և բարձունքների տարի։ Սահմանին կանգնած մեր հայ զինվորներին մաղթում եմ անփորձանք ծառայություն և բարի վերադարձ իրենց ընտանիքներ»,–նշել է Մխիթարյանը ստորագրելով` սիրով` Հենո։
Մխիթարյանի գոլը BBC-ն համարել է վերջին տասնամյակի ֆուտբոլի ամենահիշարժան դրվագներից մեկը
Նշենք, որ Հենրիխ Մխիթարյանը և նրա կինը` Բեթի Վարդանյանը, Ամանորն անցկացրել են Դուբայում։ Զույգն, ի դեպ, երեխայի է սպասում։
Հիշեցնենք` Մխիթարյանի և գործարար Միքայել Վարդանյանի դստեր` Բեթի Վարդանյանի հարսանեկան արարողությունը կայացել էր Սուրբ Ղազար կղզում։
