ԵՐԵՎԱՆ, 1 հունվարի — Sputnik. Հունվարի 1-ից մինչև հունվարի 5-ը ներառյալ Երևանում գործող 9 թանգարան բաց են լինելու. Facebook սոցիալական ցանցի իր էջում գրել է ՀՀ կրթության, գիտության, սպորտի և մշակույթի նախարար Արայիկ Հարությունյանը։
«Մինչև հունվարի 5–ն անչափահաս քաղաքացիների համար (մինչև 18 տարեկան) թանգարանների մուտքը կլինի անվճար: Օգտվեք այս հնարավորությունից, Ամանորի տոներն անցկացրեք ընտանիքի հետ մշակութային մեր օջախներում»,–գրել է նախարարը։
Խախտումներ են հայտնաբերվել Հայոց ցեղասպանության 100-րդ տարելիցի միջոցառումների ծախսերում
2020 թվականի հունվարի 1-5-ը ներառյալ` ժամը 12:00-17:00-ն աշխատանքային ժամեր են սահմանվել հետևյալ թանգարաններում` Հայաստանի պատմության թանգարանում, Հայաստանի ազգային պատկերասրահում, Ե. Չարենցի անվան գրականության և արվեստի թանգարանում, Մարտիրոս Սարյանի տուն թանգարանում, Կոմիտասի թանգարան-ինստիտուտում, Հովհաննես Թումանյանի, Սերգեյ Փարաջանովի, Երվանդ Քոչարի և Ռուսական արվեստի թանգարանում։
Նախարարն, ի դեպ, գրառմանը հեշթեգ է դրել «#Նոր_Ամանոր», «#Նոր_տարուն_եկ_թատրոն», «#Բա_թանգարան_չեք_գալու»։
Հայ ճարտարապետների նախագծով «շուռ տված» կինոթատրոն կկառուցվի Մոսկվայի սրտում
Հիշեցնենք, որ այս օրերին նաև մի շարք ներկայացումներ են բեմադրվելու, թատրոններում ևս աշխատում են։ Ավելին, Արայիկ Հարությունյանը կառավարության 2019–ի վերջին նիստի օրը` դեկտեմբերի 26–ին, կառավարության բոլոր անդամներին ներկայացման տոմսեր նվիրեց։ Կառավարության անդամներն այսօր պետք է Սունդուկյանի անվան թատրանում նայեն «Թռիչք կկվի բնի վրայով» ներկայացումը։
