ԵՐԵՎԱՆ, 30 դեկտեմբերի — Sputnik. «Զվարթնոց» միջազգային օդանավակայանի պատմության մեջ առաջին անգամ մեկ տարվա ընթացքում ավելի քան երեք միլիոն ուղևոր է սպասարկվել։ «Հոբելյանական» չվերթը Մոսկվա-Երևան ուղղությամբ է եղել։ Այդ չվերթից օգտվող ուղևորներին անակնկալ էր սպասում՝ քաղցրավենիք, լավ գինի ու հաճելի երաժշտություն։
![Ավելի քան 3 միլիոն ուղևոր. «Զվարթնոց» օդանավակայանն իր պատմության ռեկորդն է սահմանել Ավելի քան 3 միլիոն ուղևոր. «Զվարթնոց» օդանավակայանն իր պատմության ռեկորդն է սահմանել - Sputnik Արմենիա](https://cdn.am.sputniknews.ru/img/2158/02/21580296_0:0:1600:1068_600x0_80_0_0_06972ad42d5aa27fc9564946589a04d1.jpg)
Ավելորդ է ասել, թե որքան էին հաճելիորեն զարմացել ուղևորները։ Նրանք իհարկե պատկերացում չունեին այն մասին, որ ակամա տոնակատարության մասնակից են դառնալու։
«Ազիմուտը» իրականացրել է Երևան–Սոչի առաջին չվերթը. կլինեն նաև նոր ուղղություններ
«Դեռ տարվա կեսին նախատեսել էինք, որ տարվա վերջին ուղևորների ռեկորդային թիվ ենք ունենալու։ Տոկոսային հարաբերակցությամբ այն 11%-ով գերազանցում է նախորդ տարվա ցուցանիշը։ Անցած տարի 2 միլիոն 693 հազար ուղևոր է սպասարկվել։ Իսկ ընդհանրապես վերջին չորս տարիների ընթացքում «Զվարթնոցի» սպասարկած ուղևորների թիվն աճել է 50%-ով», - լրագրողների հետ զրույցում ասաց օդանավակայանի մամուլի քարտուղար Սաթենիկ Հովհաննիսյանը։
![Ավելի քան 3 միլիոն ուղևոր. «Զվարթնոց» օդանավակայանն իր պատմության ռեկորդն է սահմանել Ավելի քան 3 միլիոն ուղևոր. «Զվարթնոց» օդանավակայանն իր պատմության ռեկորդն է սահմանել - Sputnik Արմենիա](https://cdn.am.sputniknews.ru/img/2158/06/21580658_0:0:1600:1068_600x0_80_0_0_4eaab8e006acf3dfed80eb65222599d6.jpg)
Նրա խոսքով՝ այդ ցուցանիշի աճի միտումն ակնհայտ է, ինչը թույլ է տալիս հուսալ, որ եկող տարվա վերջին նոր ռեկորդ է սահմանվելու։
Ուղևորահոսքի աճը, նրա կարծիքով, պայմանավորված է այն հանգամանքով, որ երկրի պետհաստատությունները ակտիվացրել են Հայաստանի ճանաչողությանն ու զբոսաշրջային գրավչությանն ուղղված գործողությունները։ Հովհաննիսյանը դժվարացավ պատասխանել՝ որքանով է ուղևորահոսքի ավելացմանը նպաստել Ռուսաստանից Վրաստան չվերթերի դադարեցումը։ Ինչպես հայտնի է, շատ ռուսաստանցիներ դրանից հետո նախընտրում էին Երևանով մեկնել Վրաստան։
![Ավելի քան 3 միլիոն ուղևոր. «Զվարթնոց» օդանավակայանն իր պատմության ռեկորդն է սահմանել Ավելի քան 3 միլիոն ուղևոր. «Զվարթնոց» օդանավակայանն իր պատմության ռեկորդն է սահմանել - Sputnik Արմենիա](https://cdn.am.sputniknews.ru/img/2158/08/21580874_0:0:1600:1060_600x0_80_0_0_60858deafbbc216ee16a434223267e22.jpg)
2019 թվականի վերջնական վիճակագրությունը կհրապարակվի հաջորդ տարի։ Մինչ տարեվերջ դեռ երկու օր կա, իսկ Ամանորի նախաշեմին ուղևորների թիվն էլ ավելի է աճում։
![Ավելի քան 3 միլիոն ուղևոր. «Զվարթնոց» օդանավակայանն իր պատմության ռեկորդն է սահմանել Ավելի քան 3 միլիոն ուղևոր. «Զվարթնոց» օդանավակայանն իր պատմության ռեկորդն է սահմանել - Sputnik Արմենիա](https://cdn.am.sputniknews.ru/img/2158/02/21580291_0:0:1600:1068_600x0_80_0_0_382cc01c5f9770646b3bbbed4089939f.jpg)