ԵՐԵՎԱՆ, 29 դեկտեմբերի — Sputnik. Հանրահայտ դիմահարդար Գոհար Ավետիսյանը Instagram-ի իր էջում նոր, շքեղ լուսանկար է հրապարակել և խոսել սեփական եսի, վախերի ու ծուլությունը հաղթահարելու մեթոդների մասին։
Այս կյանքում հաղթում է նա, ով հաղթում է ինքն իրեն... իր վախերը, ծուլությունն ու անվստահությունը և սա իմ մասին չէ (այլապես նրանք (չարակամ մարդիկ) նորից քարեր կնետեն վրաս, երբ տեսնեն ինձ այսքան ինքնավստահ ),–կես կատակ, կես լուրջ գրել է նա։
Դիմահարդարի հետևորդներին դուր է եկել լուսանկարը։ Նրանք բազմաթիվ դրական մեկնաբանություններ են գրել հրապարակմանը կից։
«Իմ անսահման ու ամենամաքուր սեր». Գոհար Ավետիսյանի հուզիչ շնորհավորանքը
Նշենք, որ Գոհար Ավետիսյանը Ռուսաստանում ամենահայտնի բյութի բլոգերն է։ Հիմա նա Instagram-ում ավելի քան հինգ միլիոն բաժանորդ ունի, իսկ նրա «Կերպարանափոխություն» նախագիծը քննարկվել է անգամ Daily Mail-ի էջերում։
Գոհարն ինքնուրույն է հասել հաջողության, նա ինքնուս դիմահարդար է: Այս ոլորտում առաջին փորձերն արել է 11-12 տարեկանում: 16 տարեկանում ընդունվել է Ժողտնտեսության և պետական ծառայության ռուսական ակադեմիայի տնտեսագիտական ֆակուլտետը:
«Ո՞վ կմտածեր, որ...». Գոհար Ավետիսյանի հուզիչ գրառումը
Արդեն առաջին կուրսում Գոհարը սկսել է դիմահարդարել բոլոր ընկերուհիներին և ծանոթներին: Հետաքրքրությունը դարձել է աշխատանք, և նա թողել է ուսումը: 2012թ.-ին սկսել է դասախոսել, դիմահարդարման վարպետության դասեր անցկացնել, իսկ հիմա նա Մոսկվայի կենտրոնում սեփական դպրոց և ստուդիա է հիմնել:
2019 թվականին Գոհարը որոշեց նաև երգել։ Նա արդեն երկու տեսահոլովակ է թողարկել։
