Երևանի Նոր Նորքի զինվորական կոմիսարիատի պաշտոնատար անձանցից մեկը մի զինակոչիկի պարտադիր ժամկետային զինծառայությունից երրորդ անգամ բժշկական հանձնաժողովի միջոցով վերջնական ազատման գործընթացն առանց խոչընդոտների և սեղմ ժամկետում կազմակերպելու համար զինակոչիկի ծնողից պահանջել է 1500 դոլար կաշառք:
Ինչպես հայտնում են ոստիկանությունից, պաշտոնյան պատճառաբանել է, թե 1000 դոլարը պետք է փոխանցի բժշկական հանձնաժողովի անդամներին, 500 դոլարը` պահի իրեն։
Երևանում ոստիկաններ են ձերբակալվել. մեկին բռնել են կաշառք վերցնելու պահին. տեսանյութ
Դեկտեմբերի 28-ին զինկոմիսարիատի պաշտոնատար անձը պահանջած գումարից 1000 դոլարն իր աշխատասենյակում ստանալուց հետո բռնվել ու բերման է ենթարկվել ոստիկանություն։
Աշխատասենյակի զննությամբ գումարը հայտնաբերվել է։
Փաստի առթիվ հարուցվել է քրեական գործ։ Զինկոմիսարիատի աշխատակիցը ձերբակալվել է։
Կատարվում է նախաքննություն։
