ԵՐԵՎԱՆ, 28 դեկտեմբերի — Sputnik. Արդարադատության նախարարությունը Վենետիկի հանձնաժողովից որևէ պաշտոնական նամակ չի ստացել։ Այս մասին հայտնում է նախարարությունը` հակադարձելով տարածված տեղեկություններին, թե նախարարությունը ՍԴ–ի շուրջ ստեղծված իրավիճակի մասին Վենետիկի հանձնաժողովից նամակ է ստացել ու չի հրապարակել։
«Ինչ վերաբերում է ոչ պաշտոնական գրագրությանը, այն հրապարակման ենթակա չէ։ Այդուհանդերձ, տեղեկացնում ենք, որ արդարադատության նախարար Ռուստամ Բադասյանը անձնական նամակով շնորհավորել է Վենետիկի հանձնաժողովի նախագահ Ջիանի Բուքիքիոյին Սուրբ ծննդի և Ամանորի կապակցությամբ, որին ի պատասխան՝ Հանձնաժողովի նախագահը Ռուստամ Բադասյանին ևս շնորհավորել և բարեմաղթանք է հղել տոների առթիվ»,– նշված է ԱՆ տարածած հայտարարության մեջ։
Նշենք` «Իրավական կրթություն և վերահսկողություն» ՀԿ–ի հիմնադիր, ԱԺ նախկին փոխնախագահ Արփինե Հովհաննիսյանն այսօր հայտարարել էր, որ արդարադատության նախարարությունում Վենետիկի հանձնաժողովից ՍԴ շուրջ ստեղծված իրավիճակի կապակցությամբ նամակ է ստացվել, որում ոչ միայն բացատրություններ են պահանջվել, այլև միարժեք որակումներ տրվել իշխանությունների գործողություններին։
Ղազարյան. «ՍԴ-ի շուրջ փոթորիկը դադարեց Վենետիկի հանձնաժողովի կտրուկ գնահատականներից հետո»
Արփինե Հովհաննիսյանը լրագրողներին կոչ էր արել «աշխարհի ամենաթափանցիկ կառավարությունից» հայցել հրապարակել դեկտեմբերի 27-ին Վենետիկից ստացված նամակը։
Նա նաև նշել էր, որ եթե նամակն ամբողջովին համապատասխանում է իշխանությունների քիմքին ու պատկերացումներին, ապա հրապարակման խնդիր չպիտի լինի։
Վենետիկի հանձնաժողովի նախագահը Հայաստանի ՍԴ–ի հետ կապված հայտարարություն է արել
