ԵՐԵՎԱՆ, 27 դեկտեմբերի — Sputnik. ՌԴ արտաքին գործերի նախարարության պաշտոնական ներկայացուցիչ Մարիա Զախարովան Instagram- ի իր էջում տեսանյութ է հրապարակել ամանորյա կորպորատիվ երեկույթից: Կադրերում երևում է, թե ինչպես է Զախարովան իր տեղակալի` Արտյոմ Կոժինի հետ ռոքնռոլ պարում:
Մարիա Զախարովան հիացել է Արարատով և լուսանկար հրապարակել
«Ջանասիրաբար աշխատում ենք, ջանասիրաբար հանգստանում»,–տեսանյութին կից գրել է Զախարովան:
Նրա հետևորդները հիացած մեկնաբանություններ են թողել տեսանյութի տակ:
«Ապրեք դուք։ Շատ լավ աշխատելուց բացի նաև լավ հանգստանալ գիտեք»,«Բրավո, իրական տոն է»,«Ինչ լավ եք պարում»,–գրել են նրանք:
Զույգը պարում է ռուս հայտնի դաշնակահար և կոմպոզիտոր Դենիս Մաժուկովի նվագակցությամբ:
Զախարովային հիացրել է Երևանի ջազ–ակումբը, իսկ ինքը զարմացրել է հայերին. տեսանյութ
Ի դեպ, երաժիշտը Instagram- ի իր էջում կորպորատիվ երեկույթից Ռուսաստանի արտգործնախարար Սերգեյ Լավրովի հետ համատեղ լուսանկար է հրապարակել։
Նա նշել է, որ սիրով է նվագել երեկույթին։
Հիշեցնենք, որ այս տարվա օգոստոսին համացանցում հայտնվեցին տեսանյութեր, որտեղ երևում էր, թե ինչպիսի խանդավառությամբ է Զախարովան լեզգինկա պարում:
