ԵՐԵՎԱՆ, 25 դեկտեմբերի — Sputnik. Այս տարի Արարատյան դաշտից հոսող ջրերից 100 մլն խմ ջրախնայողություն է իրականացվել։ Այսօր իր տարեկան ամփոփիչ ասուլիսի ժամանակ ասաց շրջակա միջավայրի նախարար Էրիկ Գրիգորյանը։
«Այսպես ասեմ` 100 մլն խմ –ն ավելի շատ է, քան Երևանի քաղաքացիների` 1 տարվա ընթացքում օգտագործած ջուրը»,–հայտնեց նախարարը։
Նրա խոսքով` այդ քանակի ջրախնայողությանը նպաստել է կառավարության ֆինանսավորմամբ իրականացվող`լքված հորերի կոնսերվացման ծրագիրը։ Բացի այդ, այն ջրօգտագործողների մոտ, որոնք ավել էին ջուր օգտագործում, հայտնաբերվել էին խախտումները, և հիմա նրանք սկսել են ավելի քիչ ջուր օգտագործել։
Արարատյան արտեզյան ավազանի հանդեպ վերաբերմունքը բնապահպանական հանցագործություն է. Զարաֆյան
Հիշեցնենք, որ դեռ սեպտեմբերին նախարար Գրիգորյանը հայտնել էր, որ 97 հոր կոնսերվացվում է, այսինքն` բերվում է այն վիճակի, որ անհրաժեշտության դեպքում կարողանան օգտագործել։ 8 հոր էլ լուծարվել էր։
2006թ.-ից սկսած՝ Արարատյան դաշտում սկսեցին գործել մեծաթիվ ձկնաբուծարաններ: Կարճ ժամանակահատվածում ձկնաբուծությունը դարձավ Արարատի ու Արմավիրի մարզերի ջրօգտագործման ամենահզոր ռեսուրսը։
ԱԷԿ–ում ջրի հետ կապված խնդիրներ չեն լինի. ատոմակայանում արտեզյան հորեր են փորում
2013թ.-ին ձկնաբուծարանների կողմից օգտագործվող ջրի քանակը գերազանցեց կայունության շեմը։ Արդյունքում արտեզյան ստորերկրյա ջրերի ճնշումը կտրուկ նվազեց` հանգեցնելով ստորերկրյա ջրերի քանակի կտրուկ նվազմանը: Կտրուկ նվազեց խորքային հորերի ջրատվությունը, որոշ աղբյուրներ ընդհանրապես ցամաքեցին:
Նախկինում գործող ձկնաբուծարաններից շատերն այսօր չեն գործում, իսկ դրանց տարածքում բացված հորերից ջուրն անխնա հոսում է դեպի Արաքս գետը, որի միջոցով էլ` Թուրքիա։ Մինչդեռ Արարատի ու Արմավիրի մարզերի հազարավոր հեկտարների հողատարածքներ արտեզյան ավազանի անկման պատճառով զրկվել են ոռոգման ջրից։
