ԵՐԵՎԱՆ, 23 դեկտեմբերի — Sputnik. Նիկողոսյան-Մելիքբեկյան տանդեմի ռեպրեսիաները շարունակվում են։ Facebook-յան իր գրառմամբ տեղեկացնում է Հայաստանի ֆուտբոլի ֆեդերացիայի նախագահի թեկնածու Թովմաս Գրիգորյանը` հիշեցնելով, որ ՀՖՖ նախագահի արտահերթ ընտրություններին մնացել են հաշված ժամեր։
ՀՖՖ նախագահի թեկնածուներ. որոնք են նրանց ուժեղ և թույլ կողմերը կամ ինչ սպասել
«Անգամ այսօր ճնշումները ՀՖՖ անդամ կազմակերպությունների վրա կան, իրենց թիմակիցները զանգահարում են կազմակերպությունների ղեկավարներին, տեղեկացնում, որ իրենք նոր պատվիրակ կնշանակեն, իսկ նախորդի համար կտրամադրեն բժշկի թուղթ: Կան համապատասխան ձայնագրություններ, որոնք անհրաժեշտության դեպքում կհրապարակվեն»,–գրում է Գրիգորյանը:
Խախտումներ` ՀՖՖ փոխնախագահների և գլխավոր քարտուղարի ընտրության հարցում. ի՞նչ է կատարվել
Նա սթափության կոչ է անում՝ նշելով, որ ֆուտբոլային ընտանիքն ինքնուրույն պետք է որոշի իր ղեկավարին։ «Հակառակ դեպքում հետևանքներն անդառնալի կլինեն»,–գրել է Գրիգորյանը։
Հիշեցնենք, որ այսօր կկայանա ՀՖՖ նախագահի ընտրությունը։ Այդ պաշտոնի համար պայքարում են երկու թեկնածու՝ ՀՖՖ գլխավոր քարտուղար, նախկին մարզական մեկնաբան Արմեն Մելիքբեկյանը և «Լոռի» ակումբի հիմնադիր, ՀՖՖ գործկոմի անդամ Թովմաս Գրիգորյանը։
ՀՖՖ նախագահի պաշտոնին առաջադրված երրորդ թեկնածուն՝ ԽՍՀՄ հավաքականի նախկին անդամ, լեգենդար ֆուտբոլիստ Խորեն Հովհաննիսյանը հայտարարել է, որ դուրս է գալիս պայքարից և սատարելու է Արմեն Մելիքբեկյանին։ ՀՖՖ նախկին նախագահ Արթուր Վանեցյանը հրաժարական էր տվել նոյեմբերի 21–ին։
