ԵՐԵՎԱՆ, 22 դեկտեմբերի — Sputnik. Շիրակի մարզի Մուսայելյան գյուղի մոտակայքում մեքենան դուրս է եկել երթևեկելի հատվածից, շրջվել և հայտնվել դաշտում. 5 մարդ է տեղափոխվել հիվանդանոց, որից երեքը երեխաներ են. հայտնում է ՀՀ արտակարգ իրավիճակների նախարարությունը։
«Դեկտեմբերի 22-ին, ժամը 16:31-ին «911» ծառայություն ահազանգ է ստացվել, որ Շիրակի մարզի Մուսայելյան գյուղի մոտակայքում տեղի է ունեցել ՃՏՊ, կան տուժածներ: Պարզվել է, որ «Opel Zafira» ավտոմեքենան (վարորդ Գոռ Մ. ծնված 1993 թ.) դուրս է եկել երթևեկելի հատվածից ու հայտնվել դաշտում»,–նշված է հաղորդագրության մեջ։
Այրվածքաբանության ազգային կենտրոնն արդեն ուղղաթիռային հրապարակ ունի. Թորոսյան
ՃՏՊ–ի հետևանքով վարորդը և ուղևորներ Մերուժան Մ.-ն (ծնված 1985 թ.), Գոռ Մ.-ն (ծնված 2011 թ.) հոսպիտալացվել են Գյումրու ԲԿ, իսկ Արթուր (ծնված 2012 թ.) և Ռուբեն (ծնված 2009 թ.) Մ.-երը՝ Գյումրու Մոր և մանկան ավստրիական հիվանդանոց: Բժիշկները Մերուժան Մ.-ի առողջական վիճակը գնահատել են միջին ծանրության, իսկ մյուս տուժածները, ստանալով համապատասխան բուժօգնություն, դուրս են գրվել:
Փրկարարները հոսանքազրկել են ավտոմեքենան և փակել գազի բալոնի փականը:
Իրական հրաշք. այրվող շարժիչով ինքնաթիռն անվտանգ վայրէջք է կատարել Ճապոնիայում. տեսանյութ
