ԵՐԵՎԱՆ, 21 դեկտեմբերի–Sputnik. 2019թ. միայն առաջին 10 ամիսներին Ազգային ժողովը 14 անգամ պարգևատրել է պատգամավորներին և աշխատակիցներին։ Պարգևավճարների ընդհանուր գումարը կազմել է մոտ 2 մլն դոլար: Այս մասին գրում է «Հրապարակը» և հավելում, որ խոսքը մոտավորապես 700 անձանց պարգևատրման մասին է։
«Երանի հոգով աղքատներին». Կարապետյանը կարծում է, որ պարգևավճարների թեման շահարկվում է
Միայն դեկտեմբերի առաջին կեսին 3 անգամ պարգևատրվել են ինչպես պատգամավորները, այնպես էլ ողջ աշխատակազմը։ Երկու անգամ պարգևատրումները եղել են ամսական պաշտոնային դրույքի 100 տոկոսի, մեկ անգամ՝ 20 տոկոսի չափով։
«Պարգևատրումների մասին կարգադրություններից մեկի համաձայն՝ այն տրվում է «Ամանորի և Ծննդյան տոների կապակցությամբ», մյուս երկուսում առհասարակ չի բացատրվում, թե ինչի համար է տրվում։ Մինչդեռ «Պետական պաշտոններ զբաղեցնող անձանց վարձատրության մասին» օրենքի համաձայն, պետական պաշտոն զբաղեցնող անձին պարգևատրում` միանվագ վճար, տրվում է ծառայողական գործունեության (կատարողականի) գնահատման և (կամ) հատուկ առաջադրանքների և (կամ) որակյալ աշխատանքների կատարման համար»,–գրում է «Հրապարակը»։
Պարգևավճարներ վճարվել են, վճարվում են ու վճարվելու են. ՊԵԿ նախագահ
«Հրապարակը» փորձել է վերլուծել պարգևատրումներն ու ներկայացրել, թե մոտավորապես որքան պարգևավճար են ստացել, օրինակ, ԱԺ նախագահը, փոխնախագահները, մշտական հանձնաժողովների նախագահները և այլք։ Ստացվել է, որ եթե Արարատ Միրզոյանի աշխատավարձը 1 միլիոն 190 հազար 520 դրամ է` երկու անգամ 100 տոկոսանոց և մեկ անգամ 20 տոկոսի չափով պարգևավճարը կազմում է մոտ 2 միլիոն 7 հարյուր հազար դրամ։ ԱԺ երեք փոխնախագահները` Լենա Նազարյանը, Ալեն Սիմոնյանն ու Վահե Էնֆիաջյանն աշխատավարձից բացի, ևս 2 միլիոն դրամ են ստացել, իսկ ԱԺ մշտական հանձնաժողովների 11 նախագահներն ամսական ստանում են 793 հազար 680 դրամ, ինչը նշանակում է, որ նրանց պարգևավճարն էլ կազմել է 1 միլիոն 745 հազարական դրամ։
Թերթը նշում է, որ ստորագրված և ոչ մի կարգադրության մեջ պարգևատրումների հիմքի վերաբերյալ որևէ հիշատակում չկա։
