Լևոն Քոչարյանը չի բացառում, որ ոստիկանության տարածած տեսանյութն ամիսներ առաջ պլանավորած բեմականացում էր:
«Սա ինձ հիշեցնում է էժանագին բեմականացում»,–ասել է Լևոն Քոչարյանը:
Լևոն Քոչարյանը տեսանյութից հասկացել է, թե ով է այդ մարդը: Ըստ Քոչարյանի՝ նա որպես աջակից հայտնվել է մոտ 3 ամիս առաջ և պատրաստակամություն է հայտնել իր ընկերների և համախոհների հետ միասին պայքարելու «այս անարդարության դեմ»:
Եթե այս ամենը համապատասխանում է իրականությանը, ապա Լևոն Քոչարյանը սա մտահոգիչ է համարում։
«Դա բացարձակապես մեզ հետ կապ չունի, չի կարող ունենալ, մենք խնդիր չունենք որևէ ցուցմունք փոխելու։ Դրա մասին բազմիցս ենք ասել, նաև հայրս է հայտարարել դատարանում, սա աբսուրդ է. չափն ու սահմանը անցել են »,–ասել է Քոչարյանը։
Պլանավորած օպերացիա կամ «արջի ծառայություն». Քոչարյանի որդին մեկնաբանել է տեսանյութը
Թե ում հրահանգով է նկարահանվել տեսանյութը, Լևոն Քոչարյանի խոսքով, պարզ կլինի ապագայում, երբ կփոխվի իշխանությունը, և երբ բոլոր ապօրինությունները կբացահայտվեն։
