Էստոնիայի ոստիկանությունը Sputnik-ի աշխատակիցներին սպառնում է քրեական գործերով, եթե նրանք գործակալությունում չդադարեցնեն իրենց աշխատանքը մինչև 2020 թվականի հունվարի 1–ը։ Սա ռուսական լրագրողներին ճնշելու առաջին դեպքը չէ։ Փաստացի, լրագրողներին սպառնում են քրեական հետապնդմամբ միայն այն բանի համար, որ նրանք աշխատում են ռուսական տեղեկատվական գործակալությունում։
«Եկեք թույլ չտանք». Սիմոնյանը Sputnik–ի լրագրողների համար դիմել է Էստոնիայի նախագահին
«Երբ նման բաներ եմ լսում` շատ եմ զարմանում, քանի որ մեզ անընդհատ փորձում են մեղադրել ինչ–որ մահացու մեղքերի, այդ թվում` անկախ ԶԼՄ–ների վրա ճնշում գործադրելու մեջ, իսկ իրենք անում են այն, ինչի մեջ մեզ են մեղադրում։ Դա, իհարկե, զարմանալի ցինիկություն է։ Որքան էլ տհաճ լինի, պետք է ամեն դեպքում հնարավորություն ստանալ աշխատելու այն երկրներում, որտեղ վախենում են ձեր տեղեկությունից, վախենում են ձեզնից ու վախենում են ճշմարտությունից, որը դուք հայտնում եք ձեր ընթերցողներին և ունկնդիրներին։
Սպիտակնե՞րը, թե՞ կարմիրները. Sputnik–ի հարցումը Եվրոպայում ու կարծիքները` Հայաստանում
Հակառակ դեպքում` հնարավոր չէ հասկանալ` ինչու են խոչընդոտում ձեր գործունեությունը։ Տեղեկության տարածման ազատությունը ժամանակակից ժողովրդավարական աշխարհի հիմնարար ազատություններից է։ Բայց ցավոք, ամեն ինչ չէ, որ այդ տրամաբանության մեջ տեղավորվում է»,–Sputnik–ի շուրջ ստեղծված իրավիճակը երեկ` դեկտեմբերի 19–ին, ամենամյա ասուլիսի ժամանակ մեկնաբանել է Վլադիմիր Պուտինը։
ՄԱԿ–ը փորձում է գլուխ հանել Sputnik Էստոնիայի աշխատակիցների հասցեին հնչած սպառնալիքներից
Ավելի վաղ իշխանությունը սառեցրել էր աշխատավարձերի փոխանցումը, հարկային վճարումներն ու խմբագրության գրասենյակի վարձակալության վճարումները։ Ու այդ ամենը տեղի է ունենում այն երկրում, որը 11–րդ տեղն է զբաղեցնում «Լրագրողներ առանց սահմանների» վարկանիշում։
