ԵՐԵՎԱՆ, 18 դեկտեմբերի — Sputnik. Էրեբունիում սպանել են «Վստրեչի ապերի» մտերիմներից մեկին։ Sputnik Արմենիայի տեղեկություններով` քիչ առաջ Էրեբունի վարչական շրջանում գտնվող Երկաթուղայինների 2-րդ փողոցում սպանություն է տեղի ունեցել։
Այս պահին մեծ թվով ոստիկաններ, քննիչներ ու փորձաքրեագետներ աշխատում են հիշյալ փողոցում։ Ըստ շրջանառվող լուրերի` այստեղից «Էրեբունի» բժշկական կենտրոն են տեղափոխել մոտ 40-ամյա մի տղամարդու, որը հրազենային վնասվածք է ունեցել։ Նա հիվանդանոցում մահացել է։
Թաղամասում խոսում են, որ սպանվածը «Վստրեչի Ապեր» մականվամբ հայտնի քրեական հեղինակության մտերիմներից էր։ Իրավապահները պարզում են կատարվածի մանրամասները, նաև, թե ինչ զենքից են կրակել սպանվածի ուղղությամբ։
