ԵՐԵՎԱՆ, 19 դեկտեմբերի — Sputnik. «Դաշնակցություն» կուսակցության երիտասարդական թևի ներկայացուցիչները հինգշաբթի բողոքի ակցիա են անցկացրել Հայաստանի կառավարության շենքի դիմաց։
Նրանք իրենց հետ բերել են խաղալիք զենքեր և դրել շենքի դիմաց։ Ակցիան կապված էր վերջին սկանդալի հետ, որը վերաբերում է ՀՅԴ բյուրոյի անդամ Հրանտ Մարգարյանի հայտարարությանը Նիկոլ Փաշինյանի կառավարության դեմ «պարտիզանական պատերազմի» մասին։
Խաչատրյան. «ԿԳՄՍՆ նախաձեռնությունը հետաքրքիր է, միայն պետք է ճիշտ կառավարել»
«Մենք պարտիզաններ ենք, որոնք պահանջում են Արայիկ Հարությունյանի հրաժարականը, եկել ենք մեր զենքը հանձնելու», – ասաց ակցիայի մասնակիցներից մեկը` Արգիշտի Գևորգյանը։
Յուրաքանչյուր բուհ իրավասու է հայոց լեզուն և պատմությունը դարձնել պարտադիր. ԿԳՄՍՆ
Հիշեցնենք, որ Արայիկ Հարությունյանի դեմ բողոքի ակցիաները մեկնարկել են նոյեմբերի 7–ին։ Երիտասարդները դեմ են աշխատանքային քննարկման դրված «Բարձրագույն կրթության մասին» օրենքի նախագծին, ըստ որի` «Հայոց լեզու», «Հայ գրականություն» և «Պատմություն» առարկաները պարտադիր չեն լինելու ոչ մասնագիտական ֆակուլտետների ուսանողների համար։ Դժգոհության մեկ այլ թեմա է նաև մեծ աղմուկ բարձրացրած «Հուզանք ու զանգ» ներկայացումը, որի ֆինանսավորման համար ԿԳՄՍՆ-ն 2 միլիոն 700 հազար դրամ է տրամադրել։
