ԵՐԵՎԱՆ, 17 դեկտեմբերի — Sputnik. Հայաստանի ֆուտբոլի ֆեդերացիայի շուրջ թեժացած կրքերը ոչ մի կերպ չեն դադարում: Նախ` քրգործ է հարուցվել ՀՖՖ նախկին նախագահ Ռուբեն Հայրապետյանի օրոք տեղի ունեցած շինաշխատանքների յուրացումների կասկածանքով, բացի այդ, ուժային կառույցներում այժմ հետաքրքրված են մեկ տարի առաջ տեղի ունեցած, ՀՖՖ-ի կողմից ֆինանսավորվող շինաշխատանքներով, որոնք վերահսկվել են ՀՖՖ տեղակալներ Արմեն Մելիքբեկյանի կամ Արմեն Նիկողոսյանի կողմից: Այս մասին գրում է «Ժողովուրդ» թերթը։
«ՀՖՖ նախագահի և գործկոմի ընտրությունը շատ քաղաքականացվեց մեր երկրում, ֆուտբոլային կյանքին տեղյակները այսպիսի մտավախություն ունեն. քանի որ ՀՖՖ շուրջ տեղի ունեցողը պարբերաբար զեկուցվում է ՈՒԵՖԱ-ի նախագահ Ալեքսանդր Չեֆերինին, չի բացառվում` հենց քաղաքականացվածության պատճառով ՀՖՖ-ն երկու և ավելի տարով որակազրկվի: Մի խոսքով, ՀՖՖ-ի շուրջ իրավիճակը խառն է ե՛ւ ներսում, ե՛ւ դրսում»,–գրում է թերթը:
«Հորդորում էր, որ ես փախնեմ Հայաստանից». Ռուբեն Հայրապետյանը` Անդրանիկ Քոչարյանի մասին
Հիշեցնենք` նոյեմբերի 13-ին Ոստիկանության 6-րդ վարչության աշխատակիցները խուզարկություններ էին իրականացրել Ռուբեն Հայրապետյանի առանձնատանն ու նրան պատկանող այլ շինություններում։ Մինչ այդ ոստիկանությունը հայտնել էր, որ ՀՖՖ նախկին նախագահին պատկանող բիզնեսների վերաբերյալ նյութեր են նախապատրաստվում։
Հատուկ ջոկատայինները խուզարկում են Ռուբեն Հայրապետյանի առանձնատունը և շինությունները
Իրավապահները օպերատիվ տեղեկություններ էին ստացել այն մասին, որ Հայաստանի ֆուտբոլի ֆեդերացիայի նախկին նախագահ Ռուբեն Հայրապետյանին պատկանող ընկերություններում հնարավոր են չարաշահումների դեպքեր։
Հատուկ ջոկատայինները խուզարկում են Ռուբեն Հայրապետյանի առանձնատունը և շինությունները
Նշենք, որ մամուլի հրապարակումների համաձայն` Ռուբեն Հայրապետյանը «Զարգացման հայկական բանկի» և «Զեյթունի կահույքի ֆաբրիկա» ԲԲԸ-ի փաստացի սեփականատերն է։ 2012 – 2018 թթ., զբաղեցնելով ՀՖՖ նախագահի պաշտոնը, Հայրապետյանը ՀՀ մի քանի քաղաքներում կազմակերպել է ֆուտբոլի մարզադաշտերի ու մարզադպրոցների կառուցման և վերանորոգման աշխատանքներ, որոնց ընթացքում չի կատարել կամ մասնակի է կատարել պայմանագրերով նախատեսված պարտավորությունները և յուրացրել առանձնապես խոշոր չափերի գումարներ:
