ԵՐԵՎԱՆ, 16 դեկտեմբերի – Sputnik. Երաժշտագետների և ծրագրավորողների խումբը կփորձի ավարտել Լյուդվիգ վան Բեթհովենի անավարտ ստեղծագործությունը կոմպոզիտորի ծննդյան 250-ամյակի առթիվ: Այդ մասին հայտնել է Le Figaro-ն:
Արդյունքը կներկայացվի 2020 թվականի ապրիլի 28-ին Բոննում և կդառնա տոնական հանդիսությունների կենտրոնական իրադարձություններից մեկը:
Կոմպոզիտորն այդ սիմֆոնիայի վրա սկսել է աշխատել, երբ վերջացնում էր հռչակավոր Իններորդ սիմֆոնիան և «Ձոն ցնծությանը», բայց նրա մահվանից հետո մնացել են մի քանի ձեռագիր ուրվագրեր և պլանները:
Արհեստական բանականությունն արդեն խոսում է Վլադիմիր Պուտինի ձայնով․ տեսանյութ
Մասնագետների խումբը կփորձի Բեթհովենի փոխարեն ավարտել ՝ օգտագործելով մեքենայական ուսուցման մեթոդները և ծրագրերը, որոնք արդեն վերլուծել են կոմպոզիտորի ամբողջ առկա ժառանգությունը: Ելնելով բացահայտված ալգորիթմներից՝ արհեստական բանականությունը կստեղծի պարտիտուրայի շարունակությունը։
