ԵՐԵՎԱՆ, 16 դեկտեմբերի — Sputnik. «Զվարթնոց» օդանավակայանի տարածքում ավտոկայանատեղիի արժեքը մասնակի կվերանայվի։
Ներկայումս կայանատեղիի մեկ ժամը 500 դրամ է, ընդ որում` առաջին 10 րոպեն անվճար։ Եթե մեքենան կայանի մեկ օր կամ ավելի (սակայն 5 օրից ոչ ավել), ապա օրական վճարը կկազմի 2 հազար դրամ։ 5-ից 30 օր կայանելու դեպքում պետք է վճարել 10 հազար դրամ։
Գործող համակարգով, կայանատեղիի համար վճարում են օդանավակայանից դուրս գալիս, դրամարկղերում, որոնց կողքին ուղեփակոցներ են տեղադրված։ Այժմ օդանավակայանի ղեկավարությունը որոշել է օդանավակայանի ելքի վրա դրամարկղերի մոտ խցանումներից ազատվելու տարբերակ գտնել։
Դա է պատճառը, որ այն ավտոսեփականատերերը, որոնք կայանատեղիի համար վճարում են դրամարկղում, հունվարի 15-ից ավելի շատ կվճարեն։ Կայանման մեկ ժամը կարժենա 800 դրամ, մեկ օրվա համար ստիպված կլինեն վճարել 3000 դրամ (մինչև 5 օր)։ 5-ից 30 օրվա համար կայանատեղին կարժենա 15 հազար դրամ։
Ստիպված կլինեն վճարել. օտարերկրյա վարորդներին չի հաջողվի ՌԴ–ում տուգանքներից խուսափել
Ինչպես Sputnik Արմենիային հայտնեց «Զվարթնոցի» մամուլի քարտուղար Սաթենիկ Հովհաննիսյանը, տվյալ սակագները ուժի մեջ կմտնեն 2019 թվականի հունվարի 15-ից։ Սակայն գործող սակագները կպահպանվեն նաև նրանց համար, որոնք վճարումները կիրականացնեն օդանավակայանի ներսում տեղադրված տերմինալների միջոցով։ Այդ դեպքում դուրս գալիս միայն անհրաժեշտ կլինի ներկայացնել վճարման կտրոնը։
Մելքոմյան. «60 ավտոմեքենայի պատճառով ամբողջ հրապարակը փաստացի դառնում է կայանատեղի»
Հովհաննիսյանի խոսքով` այս ամենն արվում է վճարման համակարգի ավտոմատացման և դրամարկղերի մոտ մեքենաների հերթերը կանխելու համար։
