Պարտադիր առողջապահական ապահովագրական փաթեթ ունենալու համար բոլոր աշխատող քաղաքացիների ամսական աշխատավարձերից 6 տոկոսի չափով պահում կկատարվի։ Նման օրենսդրական նախաձեռնությամբ է հանդես եկել առողջապահության նախարարությունը. օրենքի նախագիծը հանրային քննարկման է դրված։
Աշխարհի ավելի քան 80 երկրում գործում է պարտադիր առողջապահական ապահովագրությունը։ Առողջապահության նախարարությունը Sputnik Արմենիային է տրամադրել տվյալներ, թե որ երկրներում քաղաքացիների աշխատավարձերից որքան են պահվում` առողջապահական ապահովագրական փաթեթ ունենալու համար։ Ներկայացված է այն երկրների ցանկը, որտեղ ապահովագրական փաթեթի մեխանիզմը նման է ՀՀ–ում առաջարկվող նախագծին։ Ի դեպ, ուշագրավ է այն հանգամանքը, որ կան երկրներ, որտեղ աշխատակիցների առողջապահական ապահովագրության գումարի որոշ մասը վճարում է գործատուն։
Նշենք, որ պարտադիր առողջապահական ապահովագրական փաթեթը կներառի թերապևտիկ, մանկաբույժի, ընտանեկան բժշկի ծառայությունները, լաբորատոր հետազոտությունները, օնկոլոգիական ծառայությունները, սրտի վիրահատությունները, քիմիոթերապիան։
