ԵՐԵՎԱՆ, 15 դեկտեմբերի — Sputnik. Իտալիայի Բրինդիզի քաղաքում այսօր մոտ 54 հազար մարդ է տարհանվել, քանի որ տեղի կինոթատրոնի վերանորոգման աշխատանքների ժամանակ հայտնաբերել են Երկրորդ աշխարհամարտի ժամանակներից մնացած բրիտանական ավիառումբ, գրում է DW-ն։
Հաղորդագրության համաձայն` 1 մետր երկարությամբ և մոտ 200 կգ քաշով ռումբը վնասազերծելուն մասնակցել են ավելի քան հազար իրավապահ, 15 զինվորական և 250 կամավոր։
Concluse a Brindisi le operazioni di disinnesco di una bomba della seconda guerra mondiale. Oltre 50.000 le persone che è stato necessario allontanare dalla zona rossa, la più grande evacuazione in tempo di pace. L'ordigno verrà fatto brillare domani pic.twitter.com/kU0Y9HDsK5
— Tg3 (@Tg3web) December 15, 2019
Բրինդիզիում բնակվում է մոտ 87 հազար մարդ։ Բոլոր բնակիչներին մեկուկես կիլոմետր շառավղով տարհանել են, մեկուկես կիլոմետր հեռավորության վրա գտնվող շենքերի գազամատակարարումը դադարեցվել է։
Մասամբ սահմանափակվել են երկաթուղային փոխադրումները և օդային հաղորդակցությունը։ 217 բանտարկյալ ժամանակավորապես տեղափոխվել են այլ ուղղիչ հաստատություններ։
«Մենք հանցագործություն ենք արել». Էրդողանը կդառնա՞ երկրորդ Բրանդտ
Պարբերականը հաղորդում է, որ ավիառումբի վնասազերծումը դարձել է Իտալիայում նմանատիպ ամենամասշտաբային գործողությունը։ Արդյունքում ականը հաջողությամբ վնասազերծվել է, այն կտեղափոխեն հանք և երկուշաբթի կպայթեցնեն։
