ԵՐԵՎԱՆ, 14 դեկտեմբերի — Sputnik. «Սևան» ՔԿՀ–ի տարածքում հայտնաբերել են պոլիէթիլենի մեջ փաթաթված թմրանյութ, որը քրեակատարողական հիմնարկի տարածք են նետել պարսպի հակառակ կողմից։ Այս մասին հայտնում է ՀՀ ԱՆ Քրեակատարողական հիմնարկի մամուլի ծառայությունը` նշելով, որ դեպքը տեղի է ունեցել անցած գիշեր` ժամը 00։40-ի սահմաններում։
«Դիտաշտարակի ծառայողի ահազանգով մեկնած խմբի ծառայողները հայտնաբերել են փաթեթ, որի ծանրությունն ապահովելու համար կպչուն ժապավենով ամրացված է եղել երկաթե երկու ծխնի»,– ասված է հաղորդագրության մեջ։
Հայտնաբերված 7 փաթեթներում եղել են մարիխուանա տեսակի թմրամիջոցին նմանվող դեղնականաչավուն զանգվածներ՝ 34․8 գրամ ընդհանուր քաշով։
Ոստիկանները 29-ամյա երիտասարդի մոտ թմրանյութ են հայտնաբերել և բերման ենթարկել. տեսանյութ
Փաստի առթիվ նախապատրաստվում են նյութեր։ Նշանակվել է դատաքիմիական փորձաքննություն։
Իրանցին փորձել է մեծ քանակությամբ թմրանյութ բերել ՀՀ. նա նախկինում նման փորձ էլի է արել
